کیف: یوکرین کے صدر ولادیمیر زیلنسکی Ukrainian president Zelensky نے روسی صدر ولادیمیر پوتن اور 200 سے زیادہ روسی حکام پر پابندیاں لگانے والے دو الگ الگ فرمانوں پر دستخط کیے ہیں۔ صدر کی پریس سروس نے یہ اطلاع دی۔ اس پابندی کے تحت روس کے ممنوعہ افراد یوکرین میں کسی بھی طرح کی کاروباری سرگرمی کوآپریٹ نہیں کرسکیں گے، جیسے کہ درآمد و برآمد پر پابندی سمیت ممنوعہ افراد یوکرین میں کسی جائیداد کے حقدار نہیں ہوں گے ۔Sanction on Russian president and Officials
پابندیوں میں یوکرین میں روسیوں کے اثاثوں کو قرق کرنے اور ریڈیو فریکوئنسی پر پابندی بھی شامل ہے۔ جمعرات کو دستخط کیے گئے حکم نامے کے مطابق، روسی وزیر اعظم میخائل میشوسٹن اور کریملن کے ترجمان دمتری پیسکوف سمیت 34 اعلیٰ روسی حکام پر اسی طرح کی پابندیاں نافذ ہوں گی۔ اس کے علاوہ فرمان میں 263 اعلیٰ تعلیمی اداروں پر پابندی جاری کی گئی ہے۔ اس کے تحت روسی تعلیمی ادارے یوکرین میں کسی بھی تعلیمی ادارے کے ساتھ ثقافتی، سائنس اور کھیل جیسے مضامین کا تبادلہ نہیں کر سکتے۔ (یو این آئی)
یہ بھی پڑھیں: Zelenskyy Address In Davos: یوکرینی صدر زیلنسکی نے روس پر زیادہ سے زیادہ پابندیاں لگانے کا مطالبہ کیا
