کیف: یوکرین کے کیف، پولٹاوا، خمیلنتسکی اور لیویف علاقوں میں رات بھر دھماکوں کی آوازیں سنی گئیں۔ یوکرینی میڈیا نے یہ اطلاع دی۔ ملک کی ڈیجیٹل تبدیلی کی وزارت نے کہا کہ پیر کی صبح یوکرین کے بیشتر حصوں میں فضائی حملے کے سائرن بجنے لگے۔ دھماکوں کی آوازیں کیف، پولٹاوا، خمیلنتسکی، لیویف، اوڈیسا، وینیتسیا اور چرکاسی کے علاقوں میں سنی گئیں۔ ملک کی راجدھانی کیف اور کھیرسن کے ساتھ ساتھ مائکولائیو، کیرووہراد، چرنیہائیو، سومی میں دیر رات ہوائی حملے کی وارننگ دی گئی تھی۔ بعد میں رات کو زائٹومیر، کھارکیو اور اوڈیسا کے علاقوں کے ساتھ ساتھ ریونے، خمیلنیتسکی اور ونیتسا کے علاقوں کے لیے فضائی حملے کی وارننگ جاری کی گئی۔ یوکرین کے بیشتر علاقوں میں فضائی حملے کے سائرن بجنے لگے۔
بتا دیں کہ ایک ہفتے قبل روس نے یوکرین کے دارالحکومت کیف اور اوڈیسا کے علاقے پر 30 کروز میزائل داغے۔ یوکرین کی فضائی دفاعی افواج نے دعویٰ کیا تھا کہ ان میں سے 29 کو مار گرایا گیا۔ اس کے ساتھ دو روسی بمبار طیاروں اور دو جاسوسی ڈرونز کو بھی مار گرانے کا دعویٰ کیا گیا تھا تھا۔ واضح رہے کہ کریمین پل پر دہشت گردانہ حملے کے دو دن بعد 10 اکتوبر سے روس نے یوکرین کے بنیادی ڈھانچے کے خلاف مسلسل سٹیک حملوں کا سلسلہ شروع کر رکھا ہے۔ فروری کے شروع میں، یوکرین پاور گرڈ آپریٹر یوکرینگو کے سربراہ نے کہا تھا کہ روسی حملوں سے یوکرین کے توانائی کے بنیادی ڈھانچے کو کروڑوں ڈالر کے نقصان کے علاوہ اربوں میں معاشی نقصان ہو سکتا ہے۔
یہ بھی پڑھیں: Explosion in Ukraine یوکرین میں دھماکوں سے گودام کو نقصان پہنچا
یو این آئی
