تیونس: شمالی افریقی ملک تیونس میں صحت کے ایک اہلکار نے جنوری کے شروع میں ملک میں کووڈ 19 انفیکشن کی ایک نئی لہر کے بارے میں خبردار کیا ہے تیونس افریقہ پریس (ٹی اے پی) نے بدھ کے روز اطلاع دی کہ نیشنل سینٹر آف فارماکوویجیلنس کے ڈائریکٹر جنرل ریاض ڈگفوس نے کہا، 'جنوری 2023 میں انفیکشن میں متوقع اضافے کے پیش نظر، تیونس کے باشندوں کو اپنی قوت مدافعت کو مضبوط کرنا اور کووڈ کے پھیلاؤ کو روکنا چاہیے۔' کووڈ-19 سائنٹفک ویکسینیشن مانیٹرنگ کمیٹی کے چیئرمین ڈیگ فوس نے ویکسینیشن کی اہمیت پر روشنی ڈالی۔ Tunisia may see new Covid wave in Jan
انہوں نے مزید کہا کہ 'اومیکرون بی اے 4 اور بی اے5 کے خلاف ایک ویکسینیشن مہم جو اس وقت تیونس میں موثر ہے، اس ہفتے شروع ہو جائے گی۔' انہوں نے دائمی بیماریوں یا امیونوڈیفسینسی کے شکار لوگوں، بزرگوں اور چھ ماہ قبل ٹیکے کی آخری خوراک لینے والوں کو ویکسین لگوانے پر زور دیا۔ قابل ذکر ہے کہ 13 مارچ 2021 کو قومی ویکسینیشن مہم کے آغاز کے بعد سے، تیونس میں مجموعی طور پر 6398305 افراد کو کووِڈ 19 کی ویکسین لگائی جا چکی ہے۔
یہ بھی پڑھیں: US Covid19 Cases امریکہ کووڈ کے 10 کروڑکیسز والا پہلا ملک بنا
یواین آئی
