Collision Between Two Planes in America امریکہ میں دو طیارے آپس میں ٹکرا گئے، تین ہلاک

امریکی ریاست کولوراڈو میں دو چھوٹے طیارے آپس میں ٹکرا گئے، جس کے نتیجے میں تین افراد ہلاک ہوگئے ہیں۔ حکام اس واقعہ کی تحقیقات میں مصروف ہوگئی ہے۔Collision Between Two Planes in America

لاس اینجلس: امریکی ریاست کولوراڈو میں دو چھوٹے طیاروں کے ٹکرانے سے تین افراد ہلاک ہوگئے۔ حکام نے اتوار کو یہ اطلاع دی۔ بولڈر کاؤنٹی شیرف کے دفتر کے مطابق حادثہ ہفتہ کو مقامی وقت کے مطابق صبح 8:54 پیش آیا۔Collision Between Two Planes in America

یو ایس نیشنل ٹرانسپورٹیشن سیفٹی بورڈ نے ایک ٹویٹ میں تصدیق کی ہے کہ یہ سیسنا 172 اور سونیکس زینوس طیاروں کے لانگمونٹ، کولوراڈو کے قریب ٹکرانے کے بعد گر کر تباہ ہوگیا۔ جس کی وہ تفتیش کر رہا ہے۔

شیرف کے دفتر نے ایک نیوز ریلیز میں کہاکہ 'پہلا تباہ ہونے والا طیارہ نیووٹ روڈ کے جنوبی جانب گر کر تباہ ہوا تھا۔ اس طیارے میں دو افراد موجود تھے جن کی موت ہوچکی تھی۔ دوسرا طیارہ شمال کی جانب نیووٹ روڈ پر گر کر تباہ ہوا، جس میں ایک شخص ہلاک ہوا۔' حکام کا کہنا ہے کہ واقعہ کی تحقیقات ابھی جاری ہے۔

یو این آئی