کابل: افغانستان میں اقوام متحدہ کے امدادی مشن (یو این اے ایم اے) کے قائم مقام سربراہ رمیز الکابروف نے پیر کو طالبان پر زور دیا کہ وہ افغان خواتین کو غیر سرکاری تنظیموں میں کام کرنے سے روکنے کے اپنے فیصلے کو واپس لے۔ الکابروف نے اس مسئلے پر بات چیت کے لیے پیر کو کابل میں افغانستان کے وزیر اقتصادیات محمد حنیف سے ملاقات کی۔ مشن نے ٹویٹر پر لکھاکہ "یواین اے ایم اے کے قائم مقام سربراہ رمیز الکباروف نے آج کابل میں طالبان کے وزیر اقتصادیات محمد حنیف سے ملاقات کی اور این جی او اور آئی این جی او کے انسانی ہمدردی کے کاموں سے خواتین پر پابندی کے فیصلے کو واپس لینے کی درخواست کی۔" Ramiz Alakbarov on Taliban
یو این اے ایم اے نے یہ بھی کہا کہ خواتین تک رسائی میں حائل رکاوٹوں کو ہٹانا ضروری ہے کیونکہ "لاکھوں افغانوں کو انسانی امداد کی ضرورت ہے"۔ اس سے قبل ہفتہ کو افغان میڈیا نے اطلاع دی تھی کہ طالبان حکومت نے افغانستان میں تمام مقامی اور بین الاقوامی این جی اوز کو حکم دیا ہے کہ وہ اپنی خواتین ملازمین کا کام اگلے نوٹس تک معطل کر دیں۔ گزشتہ ہفتے طالبان حکومت کے ماتحت افغان وزارت تعلیم نے بھی نجی اور سرکاری اعلیٰ تعلیمی اداروں میں خواتین کی تعلیم کو معطل کرنے کا حکم دیا تھا۔
یہ بھی پڑھیں: Taliban govt On Female Employee طالبان نے این جی او کو خواتین ملازمین پر پابندی عائد کرنے کا حکم دیا
اس پابندی کو کئی بین الاقوامی تنظیموں اور عالمی رہنماؤں کی جانب سے سخت تنقید کا نشانہ بنایا گیا ہے۔ طالبان اگست 2021 میں افغانستان میں برسراقتدار آئے اور اب تک ملک میں بڑھتے ہوئے معاشی، انسانی اور سلامتی کے بحران کو حل کرنے میں ناکام رہے ہیں۔ طالبان حکومت میں خواتین یا اسلامی تحریک سے وابستہ افراد شامل نہیں ہیں۔ تاہم افغان خواتین نے اپنے حقوق کے احترام کے لیے کئی احتجاجی مظاہرے کیے ہیں۔
یو این آئی
