Sudan Crisis سوڈان میں لڑائی ختم ہونے تک کوئی بات نہیں ہوگی، حمدان دفلو

سوڈان میں جنگ جاری ہے۔ اس جنگ میں بھارت سمیت کئی ممالک کے شہری وہاں پھنسے ہوئے ہیں، جنہیں وہاں سے نکالنے کی کوششیں جاری ہیں۔ وہیں سوڈان کے نیم فوجی دستے کے سربراہ جنرل محمد حمدان دفلو نے کہا ہے کہ وہ اس وقت تک بات چیت نہیں کریں گے جب تک گولہ باری ختم نہیں ہو جاتی۔ اب تک اس گالہ باری میں تقریباً چار سو سے زیادہ افراد ہلاک ہو چکے ہیں۔

خرطوم: سوڈان میں ملکی فوج کے خلاف لڑنے والی نیم فوجی دستے کے سربراہ جنرل محمد حمدان دفلو نے کہا ہے کہ وہ اس وقت تک بات چیت نہیں کریں گے جب تک کہ لڑائی خاص طور پر گولہ باری ختم نہیں ہو جاتی۔ بی بی سی کی خبر کے مطابق دفلو، جسے حمداتی کے نام سے جانا جاتا ہے، نے کہا کہ تین روزہ جنگ بندی میں توسیع کے بعد سے ان کے جنگجو بمباری کر رہے ہیں۔ ہم سوڈان کو تباہ نہیں کرنا چاہتے، انہوں نے فوج کے سربراہ جنرل عبدالفتاح البرہان کو تشدد کا ذمہ دار ٹھہراتے ہوئے کہا کہ ہم مذاکرات کے لیے تیار ہیں لیکن شرط یہ ہے کہ جنگ بندی ہونی چاہیے۔ دشمنی ختم کریں۔ اس کے بعد ہم بات کر سکتے ہیں۔'

انہوں نے کہا کہ ان کا جنرل برہان سے کوئی ذاتی مسئلہ نہیں ہے، لیکن وہ سابق صدر عمر البشیر کے سرکاری وفاداروں کو لانے کے لیے انہیں غدار سمجھتے ہیں، جنہیں 2019 میں فوج اور آر ایس ایف نے سڑکوں پر بڑے احتجاج کے بعد معزول کر دیا تھا۔دریں اثنا، جنرل برہان نے عارضی طور پر جنوبی سوڈان میں آمنے سامنے بات چیت پر آمادگی ظاہر کی ہے۔پڑوسی ممالک کے ساتھ ساتھ امریکہ، برطانیہ اور اقوام متحدہ کی جانب سے شدید سفارتی کوششوں کے بعد جمعرات کی شب ایک غیر یقینی جنگ بندی میں توسیع کی گئی۔ ہفتہ تک خرطوم کے کچھ حصوں میں فضائی، ٹینک اور توپ خانے کے حملے جاری رہے، جس سے دونوں حریف فوجی دھڑوں کے درمیان کسی بھی جامع مذاکرات کا امکان دور کی کوڑی دکھائی دے رہی ہے۔

یو این آئی