کولمبو: سری لنکا کے صدر رانیل وکرما سنگھے کی پارٹی نے کہا کہ وہ اپنے ایک صوبائی لیڈر کے خلاف کارروائی کرے گی جس نے چینی سفارت خانے کے باہر احتجاج کیا اور بیجنگ سے سری لنکا کے قرض کی تنظیم نو کا مطالبہ کیا۔ یہ اطلاع ڈیلی مرر نے پیر کو دی ہے۔ ڈیلی مرر کے مطابق یونائیٹڈ نیشنل پارٹی (یو این پی) نے کہا کہ وہ مقامی حکومت کے رکن ششی ہیٹیاراچی کے خلاف کارروائی کرے گی۔ یو این پی کے ایک رہنما نے کہا کہ ہماری پارٹی کا اس احتجاج سے کوئی تعلق نہیں ہے۔ Protest outside Chinese Embassy in Sri Lanka
ہماری پارٹی سفارت کاری پر یقین رکھتی ہے اور ہماری حکومت چین کے ساتھ قرضوں کے مسائل کو سفارتی تعلقات کے ذریعے حل کرنے کے لیے کام کر رہی ہے۔ انہوں نے کہا کہ قرض کی تنظیم نو کا معاملہ وزیر خزانہ سے متعلق ہے نہ کہ ریاستی اسمبلی کے رکن سے۔ انہوں نے مزید کہا کہ پارٹی جلد ہی فیصلہ کرے گی کہ ان سے کیسے نمٹا جائے۔
یہ بھی پڑھیں: Sri Lanka Seeks Financial Aid سری لنکا کے لاکھوں لوگوں کو مالی امداد کی ضرورت
یو این آئی
