کیمپ جکارتہ: انڈونیشیا میں جی20پارلیمانی اسپیکروں کی آٹھویں چوٹی کانفرنس کے اختتامی اجلاس سے خطاب کرتے ہوئے لوک سبھا اسپیکر اوم برلا نے کہا کہ 6اکتوبر، 2022کو شروع ہونے والی اس کانفرنس کا نتیجہ یہ نکلا ہے کہ باہمی تعاون جی20کی بنیاد ہے۔ گزشتہ75 برسوں میں بھارتی جمہوریت کے درخشاں سفر کا ذکر کرتے ہوئے برلا نے کہا کہ رائے عوامہ کے مطابق پرامن طریقے پر اقتدار کی منتقلی بھارتی جمہوریت کی سب بڑی خوبی اور خصوصیت رہی ہے۔ انہوں نے کہا کہ ہماری پارلیمنٹ ملک کے شہریوں کے مفادات کا تحفظ کرتی ہے اور قوانین اور پالیسیاں بنانے میں رہنمائی کرتی ہے۔G20 Parliamentary
اکیسویں صدی میں دنیا کو درپیش چیلنجوں سے نمٹنے کی حکمت عملی پر بات کرتے ہوئے لوک سبھا کے اسپیکر نے کہا کہ ہم سب کو اپنے اپنے ملکوں اور دنیا میں مستقبل کے چیلنجوں سے نمٹنے کے لیے مشترکہ کوششوں، بہترین طورطریقوں اور مسلسل مذاکرات پر زور دینا چاہیے۔اس بات چیت اور آپس میں مشترکہ کوششوں کے ذریعہ پارلیمنٹ کی اپنی خودمختاری کے مطابق اختراع اور چیلنجوں سے نمٹنے نیزاس کے حل میں رہنمائی کرنی چاہیے۔
برلا نے اعادہ کہ بھارت کا خیال ہے کہ عالمی خوشحالی، اقتصادی مواقع اور چیلنج ایک دوسرے سے جڑے ہوئے موضوع ہیں۔ جی20 کے رکن ممالک کے پارلیمان کو مشترکہ نقطہ نظر اور ان کے تحفظات کو مدنظر رکھتے ہوئے گورننس میں پارلیمانی اور کمیونٹی کی شرکت کے طریقہ کار کو مضبوط بنانے کے لیے اجتماعی کردار ادا کرنا چاہیے۔
بھارت کوآئندہ سال G20 کی نویں چوٹی کانفرنس میں مدعو کرتے ہوئے انہوں نے کہا کہ بھارت اگلے سال P-20 ممالک کے تمام نمائندوں کے استقبال کا منتظر ہے۔بعد ازاں برلا کو جکارتہ میں بھارتی برادری نے مبارکباد دی۔
اس موقع پر خطاب کرتے ہوئے برلا نے کہا کہ انڈونیشیا میں بھارتی برادری اپنی محنت، اختراع اور اختراعی سوچ کے ساتھ انڈونیشیا کی اقتصادی ترقی میں اہم حصہ اداکر رہی ہے۔ انہوں نے انڈونیشیا میں بھارتی برادری پر زور دیا کہ وہ بھارت میں مختلف شعبوں میں سرمایہ کاری کرنے کی کوششیں کریں، انڈونیشیائی کمپنیوں، انڈونیشیائی شہریوں کو بھارت کی ابھرتی ہوئی صلاحیتوں سے آگاہ کریں۔ انہوں نے ان پر زور دیا کہ وہ اپنے میدان عمل کے ساتھ ساتھ اپنی آبائی سرزمین کی خوشحالی کے لیے بھی کام کریں۔ انہوں نے جی 20 چوٹی کانفرنس کو کامیاب بنانے پر انڈونیشیا کو مبارکباد دی۔
یو این آئی
