Brazil Floods برازیل میں سیلاب اور لینڈ سلائیڈنگ سے ساٹھ افراد ہلاک

برازیل کی ریاست ساؤ پالو میں سیلاب کی وجہ سے اب تک 60 افراد ہلاک ہو گئے ہیں۔ وہیں سیلاب اور لینڈ سلائیڈنگ کی وجہ سے 760 سے زائد افراد بے گھر ہو گئے ہیں۔ floods in Sao Paulo

بیونس آئرس: برازیل کی ریاست ساؤ پالو میں شدید بارشوں، سیلاب اور لینڈ سلائیڈنگ سے کم از کم 60 افراد ہلاک ہو گئے ہیں۔ یہ اطلاع برازیلین میڈیا رپورٹ میں دی گئی ہے۔ میڈیا نے جمعہ کو مرنے والوں کی تعداد 54 بتائی تھی۔ ساؤ سبسٹیاؤ کی میونسپلٹی نے 53 اموات ریکارڈ کیں۔ برازیل کے جی 1 نیوز پورٹل نے ہفتہ کے روز اطلاع دی کہ مرنے والوں کی تعداد 60 تک پہنچ گئی ہے۔ سرچ اینڈ ریسکیو آپریشن سات دنوں سے جاری ہے جس میں 150 سے زائد ماہرین شامل ہیں۔ ساؤ پالو کے حکام کے مطابق، گزشتہ ہفتے کے آخر میں سیلاب اور لینڈ سلائیڈنگ نے علاقے میں 766 سے زائد افراد کو بے گھر کر دیا، متاثرہ علاقوں سے 1730 کو نکال لیا گیا۔

بتایا جا رہا تقریبا 30 افراد لاپتہ ہیں جن کی تلاش جاری ہے۔ حکام کی جانب سے تلاشی آپریشن و امدادی کارروائیاں جاری ہیں۔ ساؤ پالو میں گزشتہ ہفتے کے آخر میں، کچھ علاقوں میں ریکارڈ 600 ملی میٹر بارش ہوئی۔ ریسکیو آپریشنز بنیادی طور پر ساؤ سیبسٹیاؤ کے جنوبی ساحل پر مرکوز ہیں۔ ساؤ پالو کے گورنر ٹارسیسیو گومز ڈی فریٹاس نے متعدد بلدیات میں ہنگامی حالت کا اعلان کر دیا ہے۔ روسی صدر ولادیمیر پوتن نے پیر کو ساؤ پالو میں سیلاب پربرازیل کے صدر لوئیز اناسیو لولا دا سلوا سے تعزیت کا اظہار کیا۔ ایک اندازے کے مطابق برازیل میں سے 9.5 ملین افراد ایسے علاقوں میں رہتے ہیں جہاں سیلاب یا لینڈ سلائیڈنگ کا زیادہ خطرہ ہوتا ہے۔

یو این آئی