لندن: رشی سونک منگل کی سہ پہر بکنگھم پیلس میں کنگ چارلس سوم سے ملاقات کے بعد برطانیہ کے پہلے بھارتی نژاد وزیراعظم بن جائیں گے۔ اس سے قبل لز ٹرس، جنہوں نے صرف 44 دن اقتدار میں رہنے کے بعد وزیر اعظم کے عہدے سے استعفیٰ دے دیا تھا، آج 10 ڈاؤننگ اسٹریٹ کے باہر اپنے الوداعی خطاب سے پہلے اپنی کابینہ کا آخری اجلاس کی صدارت کریں گی۔ اس کے بعد وہ بکنگھم پیلس میں کنگ چارلس سے ملاقات کرکے باضابطہ طور پر اپنا استعفیٰ دیں گی۔UK PM Rishi Sunak
ٹرس کے محل سے نکلنے کے بعد، رشی سونک کنگ چارلس سے ملاقات کریں گے، جہاں بادشاہ کی جانب سے انہیں باضابطہ طور پر نیا وزیراعظم مقرر کیا جائے گا۔ سونک، برطانیہ کے پہلے ہندو وزیر اعظم ہے، آج شام 4 بجے کے قریب 10 ڈاؤننگ اسٹریٹ کے باہر تقریر کریں گے۔ ان کے ساتھ ان کی اہلیہ اکشتا مورتی اور ان کی دو بیٹیاں انوشکا اور کرشنا بھی ساتھ میں جا سکتی ہیں۔ سونک جب وزیراعظم ہاؤس پہنچیں گے تو انہیں سکیورٹی کوڈ سے آگاہ کیا جائے گا۔ اس وقت تک انہیں اپنی کابینہ میں اہم عہدوں کا فیصلہ اور اعلان کرنا ہوگا۔
یہ بھی پڑھیں:
Rishi Sunak confirmed as UK PM بھارتی نژاد رشی سونک برطانیہ کے اگلے نئے وزیراعظم ہوں گے
Who is Rishi Sunak: برطانیہ کے نئے وزیراعظم رشی سونک کے بارے میں آپ کیا جانتے ہیں؟
واضح رہے کے لز ٹرس کے استعفیٰ کے بعد ہی ایک ہفتے کے اندر برطانیہ کو اپنا نیا وزیراعظم مل گیا۔ کنزرویٹو پارٹی کی کوشش تھی کہ بازاروں کی غیر مستحکم حالت کے پیش نظر انتخابات میں تاخیر نہ کی جائے۔ آپ کو بتا دیں کہ رشی سونک پہلی بار 2015 میں ایم پی بنے تھے۔ وہ رچمنڈ، یارکشائر سے منتخب ہوئے تھے۔ سونک نے تیزی سے کنزرویٹو پارٹی کی صفوں میں اتحاد پیدا کیا اور 'بریگزٹ' کی حمایت کی۔ وہ بورس جانسن کی 'ای یو چھوڑو' مہم کے دوران ان کے حامیوں میں سے ایک تھے۔
پیر کو نتائج کا اعلان ہونے کے فوراً بعد اپنے پہلے خطاب میں رشی سونک نے کہا کہ ان کی ترجیح ملک کو متحد کرنا ہوگی اور انہوں نے مزید کہا کہ ملک کو واپس دینے کے لیے اپنی زندگی کا سب سے بڑا اعزاز حاصل کرنے پر وہ فخر محسوس کر رہے ہیں۔
