خیبر پختونخواہ: خیبر پختونخواہ کے ضلع بنوں کے جانی خیل علاقے میں فوجی قافلے پر خودکش حملے میں 9 پاکستانی فوجی ہلاک اور پانچ زخمی ہو گئے۔ ڈان نے فوج کے شعبہ تعلقات عامہ (آئی ایس پی آر) اس کی اطلاع دی۔ پاکستانی فوج کے شعبہ آئی ایس پی آر کی جانب سے جاری کردہ ایک بیان کے مطابق، ’’موٹر سائیکل پر سوار خودکش بمبار نے فوجی قافلے کے قریب خود کو دھماکے سے اڑا لیا۔‘‘
پاکستانی اخبار ڈان کی رپورٹ کے مطابق، آئی ایس پی آر نے کہا کہ "خودکش حملے کے نتیجے میں ایک جے سی او نائب صوبیدار صنوبر علی سمیت 9 فوجی ہلاک ہو گئے، جب کہ پانچ فوجی زخمی ہوگئے۔" آئی ایس پی آر نے مزید کہا کہ سکیورٹی فورسز نے علاقے کو گھیرے میں لے لیا ہے اور عسکریت پسندوں کے خاتمے کے لیے کارروائی جاری ہے۔ بیان میں مزید کہا گیا کہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
وہیں پاکستان کے نگراں وزیراعظم انوار الحق کاکڑ نے حملے کی مذمت کرتے ہوئے فوجیوں کی ہلاکت پر افسوس کا اظہار کیا۔ کاکڑ نے سوشل میڈیا پلیٹ فارم ایکس (سابقہ ٹویٹر) پر لکھا کہ 'بنوں ڈویژن میں دہشت گردی کی بزدلانہ کارروائی میں 9 فوجیوں کی ہلاکت سے میرا دل ٹوٹ گیا۔' قابل ذکر ہے کہ جب سے کالعدم تحریک طالبان پاکستان (ٹی ٹی پی) کا حکومت کے ساتھ جنگ بندی کا معاہدہ گزشتہ نومبر میں ختم ہوا، تب سے پاکستان میں خاص طور سے خیبر پختونخواہ اور بلوچستان میں عسکریت پسندوں کی سرگرمیوں میں اضافہ دیکھا جا رہا ہے۔
مزید پڑھیں: Fire Incidents دو مختلف ممالک میں آتشزدگی سے متعدد افراد ہلاک
