US on Pak Afghan conflict پاک افغان تنازع پر امریکہ کا موقف، پاکستان کو دہشت گردی سے اپنے دفاع کا حق حاصل ہے

امریکہ نے کہا کہ پاکستان میں لوگوں کو دہشت گردانہ حملوں کی وجہ سے بہت نقصان اٹھانا پڑا ہے۔ پاکستان اپنے عوام کی سلامتی کے حوالے سے تمام حقوق محفوظ رکھتا ہے۔ وہیں امریکہ نے طالبان سے مطالبہ کیا کہ وہ اپنا یہ وعدہ نبھائیں کہ افغان سرزمین دہشت گردانہ حملوں کے لیے دوبارہ کبھی بھی استعمال نہیں ہوگی۔ US on Pak Afghan conflict

نیویارک: اسلام آباد کی قومی سلامتی کمیٹی کی افغانستان کے خلاف کارروائی کے انتباہ پر ردعمل دیتے ہوئے امریکی محکمہ خارجہ کے ترجمان نیڈ پرائس نے کہا ہے کہ پاکستان کو دہشت گردی کے خلاف اپنے دفاع کا حق حاصل ہے۔ انہوں نے منگل کو کہا کہ ہم پاکستانی قومی سلامتی کمیٹی کے حالیہ بیان سے آگاہ ہیں۔ پاکستان میں لوگوں کو دہشت گردانہ حملوں کی وجہ سے بہت نقصان اٹھانا پڑا ہے۔ پاکستان کو دہشت گردی سے اپنے دفاع کا حق حاصل ہے۔ US on Pak Afghan conflict

امریکی محکمہ خارجہ نے یہ ریمارکس، بریفنگ میں این ایس سی کے بیان کو افغانستان کے لیے خطرہ کے طور پر دیکھنے کے بارے میں پوچھے گئے ایک سوال کے جواب میں دیا۔ انہوں نے کہا کہ کسی بھی ملک کو دہشت گردوں کو پناہ اور سہولیات فراہم کرنے کی اجازت نہیں دی جائے گی اور پاکستان اپنے عوام کی سلامتی کے حوالے سے تمام حقوق محفوظ رکھتا ہے۔ پاکستان نے کابل میں طالبان حکومت سے افغانستان میں تحریک طالبان پاکستان کی جانب سے سرحد پار دہشت گرد حملوں کی شکایت بھی کی ہے۔ پرائس نے کہا کہ افغان طالبان اپنی سرزمین کو دہشت گردی کے لیے استعمال کرنے کی اجازت نہ دینے کے اپنے وعدے کو پورا کرنے میں ناکام رہے ہیں یا تیار نہیں ہیں۔ انہوں نے کہا کہ امریکہ نے طالبان سے مطالبہ کیا کہ وہ اپنے عزم پر قائم رہیں کہ وہ دوبارہ کبھی بھی افغان سرزمین کو بین الاقوامی دہشت گرد حملوں کے لیے لانچ پیڈ کے طور پر استعمال نہیں کریں گے۔

واضح رہے کہ چند روز قبل پاکستان کے وزیر داخلہ رانا ثناء اللہ نے ایک ٹی وی پروگرام کے دوران یہ اشارہ دیا تھا کہ اگر کابل ٹی ٹی پی کے خلاف کاروائی نہیں کرتا ہے تو پھر اسلام آباد افغانستان میں ٹی ٹی پی کے اہداف کو نشانہ بنا سکتا ہے۔ افغانستان کی طالبان حکومت، جسے پاکستان کی حمایت حاصل ہے، نے رانا ثناء اللہ کے ریمارکس کی تردید کی کہ وہ ٹی ٹی پی کو پناہ دے رہے ہے، اور اصرار کیا کہ اس طرح کے بیان اشتعال انگیزی تھی۔ اس کے علاوہ دوحہ میں مقیم طالبان کے ایک عہدیدار احمد یاسر نے ایک ٹویٹ میں پاکستان کو خبردار کیا ہے اور پاکستان کو 1971 کی بنگلہ دیش جنگ یاد دلائی۔انہوں نے ٹویٹ کیا کہ یہ افغانستان ہے، جہاں سلطنتوں کا قبرستان ہے۔ ہم پر کبھی فوجی حملے کا سوچنا بھی نہیں ورنہ بھارت کے ساتھ فوجی معاہدے جیسے حالات ہوں گے۔