اسلام آباد: پاکستان کے شمال مغربی صوبہ خیبر پختونخواہ کے ضلع بنوں میں اتوار کو ایک گھر پر دستی بموں سے حملے میں کم از کم ایک شخص ہلاک اور 11 دیگر زخمی ہو گئے۔ پولیس نے یہ اطلاع دی۔ پولیس نے بتایا کہ واقعہ ضلع کے علاقے میرا خیل میں علی الصبح پیش آیا جب نامعلوم افراد نے ایک مقامی شہری کی رہائش گاہ پر کچھ دستی بموں سے حملہ کیا جس کے بعد فائرنگ کی اور فرار ہوگئے۔ پولیس نے بتایا کہ دھماکے میں مرد، خواتین اور بچے زخمی ہوگئے۔ زخمیوں کو مقامی اسپتال میں داخل کرایا گیا۔ اطلاعات کے مطابق پولیس نے مقدمہ درج کرلیا ہے جبکہ شکایت کنندہ نے پولیس کو بتایا کہ اس کی کسی سے کوئی دشمنی نہیں ہے۔ ابھی تک کسی گروپ نے اس حملے کی ذمہ داری قبول نہیں کی ہے۔
واضح رہے کہ مئی 2023 میں پاکستان کے جنوب مغربی صوبے بلوچستان میں ایک فوجی چوکی پر حملہ ہوا جس میں تین فوجی ہلاک ہو گئے تھے۔ یہ حملہ عسکریت پسندوں کے ایک گروپ نے کیا تھا۔ حملہ بلوچستان کے علاقے زرگن میں ہوا۔ آئی ایس پی آر نے کہا کہ عسکریت پسندوں نے جس فوجی چوکی پر حملہ کیا، اسے حال ہی میں کوئلے کی کانوں کو نشانہ بنانے والے جبری وصولی کی کوششوں کی تحقیقات میں مدد کے لیے' قائم کیا گیا تھا۔ آئی ایس پی آر کا کہنا تھا کہ حملے میں ایک عسکریت اور تین پاکستانی فوجی مارے گئے۔
یہ بھی پڑھیں: Pakistan Attack پاکستان میں سیکیورٹی قافلے پر حملہ، متعدد زخمی
یو این آئی
