پیانگ یانگ: شمالی کوریا کی جانب سے ایک جاسوس سیٹلائٹ کو مدار میں پہنچانے کے لیے چولیما-1 سیٹلائٹ گاڑی کی راکٹ لانچ کرنے کی کوشش، راکٹ کے انجن کے دوسرے مرحلے میں خرابی کی وجہ سے ناکام ہو گئی ہے۔ سرکاری کورین سنٹرل نیوز ایجنسی (کے سی این اے) نے یہ اطلاع دی۔ رپورٹ کے مطابق شمالی کوریا نے منگل کو مقامی وقت کے مطابق صبح 6:27 بجے (21:27 جی ایم ٹی) میلیگیونگ 1 ملٹری ریکونینس سیٹلائٹ کے ساتھ راکٹ لانچ کیا، لیکن راکٹ کا انجن دوسرے مرحلے میں چالو نہ ہونے میں ناکام رہا۔ رپورٹ میں کہا گیا کہ پہلے مرحلے کی علیحدگی کے بعد دوسرے مرحلے کا انجن چالو ہونے میں ناکام ہو گیا جس کی وجہ سے راکٹ کی طاقت ختم ہو گئی اور وہ زرد سمندر میں جا گرا۔
میڈیا رپورٹس کے مطابق شمالی کوریا کی خلائی ایجنسی راکٹ کی جانچ اور اسے بہتر بنانے کے لیے فوری طور پر سائنسی اور تکنیکی اقدامات کرے گی اور جلد ہی مختلف تجربات کے بعد اگلا لانچ کرے گی۔ کے سی این اے کی خبر کے مطابق، شمالی کوریا کی خلائی ایجنسی کے ترجمان نے کہا کہ خیال کیا جاتا ہے کہ یہ حادثہ چولیما-1 راکٹ میں انجن کے نئے نظام کی بھروسے اور استحکام کی کمی اور استعمال شدہ ایندھن کے عدم استحکام کی وجہ سے ہوا ہے۔ ترجمان نے یہ بھی کہا کہ سائنسدان، انجینئر اور ماہرین حادثے کی وجہ جاننے کے لیے کام کر رہے ہیں۔
یہ بھی پڑھیں: North Korea Satellite Launch Plan شمالی کوریا نے آئی ایم او کو سٹیلائٹ لانچ کرنے کی اطلاع دی
یو این آئی
