اسلام آباد: سابق وزیر اعظم اور پاکستان تحریک انصاف (پی ٹی آئی) کے چیئرمین عمران خان نے کل انسداد دہشت گردی کی عدالت میں ذاتی طور پر پیش ہونے کا فیصلہ کیا ہے۔ ذرائع کے مطابق چیئرمین پی ٹی آئی عمران خان کی زیر صدارت قانونی ٹیم کا اجلاس ہوا، جس میں عمران خان نے کل انسداد دہشت گردی کی عدالت پیش ہونے کا فیصلہ کیا ہے۔ اس حوالے سے عمران خان کے وکیل ڈاکٹر بابر اعوان نے سوشل میڈیا پر بیان میں کہا کہ انسداد دہشت گردی کی عدالت میں درخواست ضمانت دائر کرنے کا فیصلہ ہوا ہے، عمران خان کل خود انسداد دہشت گردی کی عدالت پیش ہوں گے۔Terrorism Case Against Imran Khan
بابر اعوان نے کہا ہے کہ عمران خان کے خلاف جعلی مقدمہ قائم کیا گیا۔ یاد رہے کہ پی ٹی آئی چیئرمین کے خلاف تھانہ مارگلہ میں دہشت گردی کی دفعات کے تحت مقدمہ درج کیا گیا تھا۔جس کے متن میں کہا گیا تھا کہ عمران خان نے ایڈیشنل سیشن جج ، آئی جی اسلام آباد اور ڈی آئی جی کو دھمکی دی، عمران خان نے تقریر میں کہا تھا کہ تمہارے اوپر کیس کرنا ہے۔ مجسٹریٹ صاحبہ آپ تیار ہوجائیں آپ کے اوپر بھی ایکشن لیں گے آپ سب کو شرم آنی چاہیے۔
یہ بھی پڑھیں:
Imran Khan Summoned For Threatening Judge جج کو دھمکی دینے پر عمران خان کو طلب کیا گیا
Terrorism Case Against Imran Khan دہشت گردی کے مقدمہ میں عمران خان کی پیشگی ضمانت منظور
اس سے قبل عمران خان نے انسداد دہشت گردی قانون کے تحت گرفتاری سے بچنے کے لیے اسلام آباد ہائی کورٹ میں ضمانت قبل از گرفتاری کی درخواست دائر کی تھی۔ جس درخواست پر چند اعتراضات کے بعد عدالت نے عمران خان کو تین دن کی پیشگی ضمانت دے دی تھی لیکن عمران خان کو جمعرات تک متعلقہ عدالت یعنی انسداد دہشت گردی کی عدالت سے رجوع کرنے کا حکم بھی دیا تھا۔ (یو این آئی مشمولات کے ساتھ)
