اسلام آباد: انسداد دہشت گردی کی ایک عدالت نے پیر کے روز پاکستان تحریک انصاف (پی ٹی آئی) کے صدر عمران خان کے خلاف دائر مقدمہ میں انہیں ضمانت دے دی۔ میڈیا رپورٹ کے مطابق توشہ خانہ معاملے میں عمران خان کو الیکشن لڑنے سے نااہل قرار دیئے جانے کے بعد ہونے والے ملک گیر احتجاج کے سلسلے میں عدالت کا یہ فیصلہ آیا ہے۔Imran Khan in terrorism case
اسلام آباد پولس نے سابق وزیر اعظم عمران خان سمیت پی ٹی آئی رہنماؤں کے خلاف پارٹی کارکنوں کے ذریعہ سڑکوں پر نکلنے اور سرکاری املاک کی توڑ پھوڑ کے بعد دہشت گردی کے مقدمات درج کیے تھے۔
پی پی سی کی مختلف دفعات کے تحت یہ مقدمات دارالحکومت اسلام آباد کے مختلف تھانوں میں درج کیے گئے تھے، جن میں مسٹرعمران خان، اسد عمر، علی نواز اعوان اور سیکڑوں دیگر کو ملزم بنایا گیا تھا۔ ان مقدموں میں پی ٹی آئی کے سینکڑوں کارکنوں اور رہنماؤں کے کہنے پر سڑکیں بلاک کرنے اور پولیس اہلکاروں پر حملہ کرنے کے الزامات لگائے گئے تھے۔
یہ بھی پڑھیں: Imran Khan Disqualification Ruling عمران خان کی نااہلی کے فیصلے کو آج ہی مسترد کرنے والی درخواست خارج
جیو نیوز کی رپورٹ کے مطابق پی ٹی آئی چیئرمین عمران خان ضمانت کے لیے فیڈرل جوڈیشل کمپلیکس میں جج جواد حسن عباس کے سامنے پیش ہوئے۔ سماعت کے بعد عدالت نے ایک لاکھ روپے کے مچلکے پر سابق وزیراعظم کی عبوری ضمانت 31 اکتوبر تک منظور کرلی۔ (یو این آئی)
