کابل: طالبان کے سپریم لیڈر مولوی ہیبت اللہ اخوندزادہ Maulvi Hebatullah Akhundzada نے غیر ملکیوں کو خبردار کیا ہے کہ وہ افغانستان کے معاملات میں مداخلت نہ کریں۔ افغانستان کی سرکاری خبر رساں ایجنسی باختر نیوز ایجنسی نے اخندزادہ کے حوالے سے اپنی رپورٹ میں کہا ہے کہ انہوں نے کابل میں علمائے کرام کے ایک اجتماع سے خطاب کرتے ہوئے کہا کہ افغانستان آزاد ہوئے بغیر ترقی نہیں کر سکتا Foreigners should not interfere in Afghanistan affairs says Taliban۔
انہوں نے کہا ''خدا کا شکر ہے کہ اب ہم ایک آزاد ملک ہیں۔ غیر ملکی ہمیں حکم نہ دیں۔ یہ ہمارا نظام ہے، اور ہمارے اپنے فیصلے ہیں۔ افغانستان کے جہاد کی کامیابی نہ صرف افغانستان کے باشندوں کے لیے بلکہ دنیا بھر کے مسلمانوں کے لیے باعث فخر ہے''۔
مزید پڑھیں:
- Afghan Madrsa Blast: افغانستان کے مدرسہ میں بم دھماکہ، 10 افراد زخمی
- Conference on Afghanistan: ازبکستان افغانستان پر بین الاقوامی کانفرنس کی میزبانی کرے گا
سی این این نیوز چینل CNN News Channel کے مطابق اخوندزادہ قندھار میں طالبان کا جائے پیدائش اور روحانی گڑھ ہے۔ ان کی تصاویر شاذ و نادر ہی منظر عام پر آتی ہیں۔ اب کچھ عرصے سے، ان کے بیمار ہونے یا ممکنہ طور پر موت کے بارے میں بات ہو رہی ہے۔ اس ملاقات کو میڈیا نے نشر نہیں کیا۔
(یو این آئی)
