نیویارک: اقوام متحدہ کے ایک ترجمان نے کہا کہ ہیتی میں ہیضے کی وباء سے لڑنے کے لیے اورل ویکسین کی تقریباً بارہ لاکھ خوراکیں پورٹ او پرنس پہنچ گئی ہیں۔ پین امریکن ہیلتھ آرگنائزیشن (پی اے ایچ او) کا حوالہ دیتے ہوئے منگل کے روز اقوام متحدہ کے سیکرٹری جنرل انتونیو گٹیرس کے چیف ترجمان اسٹیفن ڈوجارک نے کہا کہ ویکسینیشن مہم اتوار کو شروع ہونے کی امید ہے۔ انہوں نے کہا کہ "یہ ویکسین سب سے پہلے ہیتی کے دارالحکومت پورٹ او پرنس کے غریب ترین علاقوں کے ساتھ ساتھ شمال میں میرابالائیس کے کمیون میں لوگوں کو دی جائے گی۔" stephane dujarric on Cholera Vaccines
انہوں نے بتایا کہ گزشتہ ایک ہفتے کے دوران پورے ملک میں مشتبہ کیسوں کی تعداد میں تقریباً 10 فیصد اضافہ ہوا ہے۔ انہوں نے کہاکہ "دو دن پہلے تک یہاں ہیضے کے 14,000 سے زیادہ مشتبہ کیسز سامنے آئے تھے۔" انہوں نے کہا کہ پورٹ او پرنس اب بھی سب سے زیادہ متاثرہ علاقہ ہے، لیکن بدقسمتی سے دیگر مقامات پر بھی تصدیق شدہ کیس بڑھ رہے ہیں۔انہوں نے کہا کہ اس بیماری کے خلاف لڑائی میں ہیتی کی حکومت تعاون کر رہی ہے۔
یہ بھی پڑھیں: Cholera Outbreak in Nigeria نائیجیریا میں ہیضے کی وبا سے 382 افراد ہلاک
یو این آئی
