Economic Crisis in Pakistan پاکستان میں ضروری ادویات کی قلت، ڈاکٹرز سرجری نہ کرنے پر مجبور

پاکستان میں معاشی بحران نے محکمہ صحت کے نظام کو متاثر کر رہا ہے جس کی وجہ سے مریض کو ضروری ادویات کے لیے کافی مشکلات کا سامنا کرنا پڑ رہا ہے۔ ضروری ادویات میں پیناڈول، انسولین، بروفن، ڈسپرین، کیلپول، ٹیگرل، نیمسولائیڈ، ہیپامرز، بسکوپن اور ریوٹریل وغیرہ شامل ہیں۔

اسلام آباد: پاکستان میں معاشی بحران نے صحت کی دیکھ بھال کے نظام کو بھی کافی زیادہ متاثر کیا ہے۔ یہاں کے مریض ضروری ادویات کے لیے جدوجہد کر رہے ہیں۔ ملک میں زرمبادلہ کے ذخائر کی کمی نے پاکستان کی گھریلو پیداوار میں استعمال ہونے والی ضروری ادویات یا ایکٹو فارماسیوٹیکل اجزاء (APIs) درآمد کرنے کی صلاحیت کو متاثر کیا ہے۔اس کے نتیجے میں مقامی ادویات بنانے والے کمپنیاں اپنی پیداوار کم کرنے پر مجبور ہوئے۔ ادویات اور طبی آلات کی کمی کے باعث ڈاکٹرز سرجری نہ کرنے پر مجبور ہیں۔

پاکستانی میڈیا رپورٹس کے مطابق، آپریشن تھیٹرز میں دل، کینسر اور گردے سمیت حساس سرجریوں کے لیے درکار بے ہوشی کی دوا دو ہفتے سے بھی کم ذخیرہ بچا ہے۔ اس صورت حال کے نتیجے میں پاکستان کے ہسپتالوں میں ملازمتیں بھی ختم ہو سکتی ہیں، جس سے لوگوں کی مشکلات میں مزید اضافہ ہو سکتا ہے۔ادویات بنانے والوں نے صحت کی دیکھ بھال کے نظام میں بحران کے لیے مالیاتی نظام کو ذمہ دار ٹھہراتے ہوئے دعویٰ کیا ہے کہ کمرشل بینک اپنی درآمدات کے لیے نئے لیٹر آف کریڈٹ (LCs) جاری نہیں کر رہے ہیں۔

پاکستان کی ادویات کی مینوفیکچرنگ بہت زیادہ درآمد پر منحصر ہے جس میں تقریباً 95 فیصد ادویات کے لیے بھارت اور چین سمیت دیگر ممالک سے خام مال درکار ہوتا ہے۔ بینکنگ سسٹم میں ڈالر کی کمی کی وجہ سے زیادہ تر ادویات بنانے والوں کے لیے درآمدی مواد کراچی بندرگاہ پر روک دیا گیا ہے۔ ڈرگ مینوفیکچرنگ انڈسٹری نے کہا ہے کہ ایندھن کے بڑھتے ہوئے اخراجات اور ٹرانسپورٹیشن چارجز اور پاکستانی روپے کی قدر میں تیزی سے کمی کی وجہ سے ادویات بنانے کی لاگت میں مسلسل اضافہ ہو رہا ہے۔

• Pakistan Economic Crisis ہم ایک ایسے ملک میں رہ رہے ہیں جو ڈیفالٹ کر چکا ہے، وزیر دفاع خواجہ آصف

حال ہی میں، پاکستان میڈیکل ایسوسی ایشن (پی ایم اے) نے صورتحال کو تباہی میں بدلنے سے روکنے کے لیے حکومت سے مداخلت کا مطالبہ کیا۔ تاہم حکام فوری اقدامات کرنے کے بجائے قلت کی مقدار کا اندازہ لگانے کی کوشش کر رہے ہیں۔ پاکستان کے پنجاب میں منشیات کے خوردہ فروشوں نے کہا ہے کہ حکومتی سروے ٹیموں نے اہم ادویات کی کمی کا تعین کرنے کے لیے فیلڈ وزٹ کیا۔ خوردہ فروشوں نے انکشاف کیا کہ کچھ عام لیکن اہم ادویات کی قلت صارفین کی اکثریت کو متاثر کر رہی ہے۔ان ادویات میں پیناڈول، انسولین، بروفن، ڈسپرین، کیلپول، ٹیگرل، نیمسولائیڈ، ہیپامرز، بسکوپن اور ریوٹریل وغیرہ شامل ہیں۔

ایکسپریس ٹریبیون نے رپورٹ کیا کہ جنوری کے اوائل میں، پاکستان فارماسیوٹیکل مینوفیکچررز ایسوسی ایشن (پی پی ایم اے) کے مرکزی چیئرمین سید فاروق بخاری نے کہا کہ اس وقت دواؤں کی پیداوار کا تقریباً 20-25 فیصد سست روی کا شکار ہے۔انہوں نے مزید کہا کہ اگر موجودہ پالیسیاں (درآمد پر پابندی) اگلے چار سے پانچ ہفتوں تک برقرار رہیں تو ملک میں ادویات کا بدترین بحران پھوٹ پڑے گا۔