ینگون: میانمار کے باشندوں اور غیر مقیم چینی طبقوں نے ہفتہ کے روز یہاں چینی نئے قمری سال سے قبل شام کو خوش آمدید کہا۔ تقریب میں میانمار کی اسٹیٹ ایڈمنسٹریشن کونسل (ایس اے سی) کے چیئرمین مین آنگ ہیلنگ اور میانمار میں چین کے سفیر چن ہیئی سمیت دونوں ممالک کے نمائندوں نے شرکت کی۔
اس موقع پر خطاب کرتے ہوئے ہیلنگ نے کہا کہ وہ چینی نئے قمری سال کی تقریبات میں شرکت کر کے بہت خوش ہیں۔ میانمار اور چین کے درمیان بھائی چارہ کا رشتہ ہے۔ انہوں نے کہا کہ میانمار چین اور چینی عوام کا حقیقی پڑوسی ملک ہے اور چین میانمار کے لیے اہم اسٹریٹجک تجارتی شراکت دار ہے۔ انہوں نے میانمار میں رہنے والے چینی شہریوں اور چین اور دنیا بھر میں مقیم چینی باشندوں کے لیے نئے سال کی نیک خواہشات بھی پیش کیں اور ان کے لیے خوشی، اچھی صحت، دولت و خوشحالی کی بھی تمنا کی۔
ساتھ ہی چینی سفیر نے کہا کہ دونوں ممالک بھائی چارے اور دوستی کو جاری رکھیں گے۔ دونوں ممالک مختلف شعبوں میں تبادلے اور تعاون کو مضبوط کریں گے اور دونوں ممالک کے عوام کے بہتر فوائد کے لیے مشترکہ مستقبل کے واسطے چین-میانمار کمیونٹی کی تعمیر کو فروغ دیں گے۔
تقریب کا انعقاد ینگون کے تھوونا اسٹیڈیم میں چین کے تعاون سے کیا گیا۔ اس پروگرام میں باسکٹ بال میچ، ثقافتی پرفارمنس اور چینی سفارت خانہ کے عملے اور میانمار کی ٹیموں کے درمیان بھائی چارے کے طور پر کھانے کی نمائش، اور شیر اور ڈریگن کے رقص، تفریحی پروگرام اور آتش بازی سمیت دیگر تقریبات شامل تھیں۔
یہ بھی پڑھیں: Biryani on New Year نئے سال کی خوشی میں بریانی سب سے زیادہ آرڈر کی گئی
یو این آئی