فوج کے زیر اقتدار میانمار کی ایک عدالت نے سابق رہنما آنگ سان سوچی اور ان کے سابق اقتصادی مشیر آسٹریلوی سین ٹرنل کو میانمار کے سرکاری راز ایکٹ کی خلاف ورزی میں مجرم قرار دیا اور دونوں کو تین سال قید کی سزا سنائی۔ ان کی کابینہ کے تین دیگر ارکان کو بھی قصوروار پایا گیا ہے جن میں سے ہر ایک کو تین سال کی سزا سنائی گئی ہے۔ Aung San Suu Kyi sentenced
ٹرنل، سڈنی کی میکوری یونیورسٹی میں معاشیات کے ایک ایسوسی ایٹ پروفیسر، سوچی کے مشیر کے طور پر کام کر چکے ہیں، جنہیں دارالحکومت نیپیتاو میں اس وقت حراست میں لیا گیا تھا جب یکم فروری 2021 کو فوج کے ذریعے ان کی منتخب حکومت کا تختہ الٹ دیا گیا تھا۔ وہ تقریباً 20 ماہ سے حراست میں ہیں۔ وہ حراست میں لیے جانے سے ایک ماہ قبل سوچی کے خصوصی مشیر کے طور پر نیا عہدہ سنبھالنے کے لیے آسٹریلیا سے واپس میانمار پہنچے تھے۔ سین ٹرنل پر امیگریشن کی خلاف ورزیوں کا بھی الزام لگایا گیا ہے جس کے لیے انہیں 5 سال قید کی سزا کا سامنا ہے۔
یہ بھی پڑھیں: Myanmar Court Sentences Aung San Suu Kyi: میانمار کی رہنما آنگ سان سوچی کو مزید تین برس قید کی سزا
واضح رہے کہ آنگ سان سوچی کو پہلے ہی مختلف مقدمات میں کم از کم 23 سال قید کی سزا سنائی جا چکی ہے، جن میں زیادہ تر بدعنوانی کے الزامات سے متعلق ہیں تاہم وہ اپنے اوپر لگے تمام الزامات کو مسترد کرتی ہیں۔
