ٹیکساس: امریکی ریاست ٹیکساس کے ایک ڈیری فارم میں دھماکے سے 18 ہزار گائیں ہلاک ہوگئیں۔ برطانوی میڈیا کے مطابق یہ واقعہ ڈِمِٹ ٹاؤن کے قریب قائم ایک ساؤتھ فورک ڈیری میں پیش آیا جہاں ہزاروں کی تعداد میں گائیں موجود تھیں۔ میڈیا رپورٹس کے مطابق واشنگٹن ڈی سی میں قائم اینیمل ویلفیئر انسٹی ٹیوٹ کی جانب سے بھی 18 ہزار گائیں کے ہلاک ہونے کی تصدیق کی گئی ہے۔ میڈیا رپورٹس میں بتایا گیا ہےکہ انتظامیہ کی جانب سے دھماکے کی وجوہات معلوم کرنے کی کوشش کی جارہی ہیں تاہم انتظامیہ کا خیال ہےکہ فارم میں موجود مشینری کی وجہ سے میتھین گیس سے آتشزدگی کی کیفیت پیدا ہوئی جس سے دھماکہ ہوا۔
انتظامیہ کے مطابق دھماکے کے نتیجے میں کچھ گائیں زخمی بھی ہوئی ہیں اور کچھ کو بچا لیا گیا ہے۔ انتظامیہ کا کہنا ہےکہ اس حادثے کے نتیجے میں ایک شخص شدید زخمی ہوا جس کی حالت تشویشناک ہے اور اسے ہسپتال میں داخل کرایا گیا ہے۔ آگ اتنی خوفناک تھی کہ آسمان پر سیاہ دھویں کے غبارے نظر آنے لگے۔ فائر بریگیڈ کی ٹیم نے کافی کوشش کے بعد آگ پر قابو پایا۔ اینیمل ویلفیئر انسٹی ٹیوٹ نے اطلاع دی ہے کہ گزشتہ ایک دہائی کے دوران تقریبا 6.5 ملین فارم جانوروں کی موت ہوئی ہیں جن میں زیادہ تر مرغے ہیں۔ زیادہ تر گائیں ہولسٹین اور جرسی گائیں تھیں۔ ابھی تک یہ واضح نہیں ہے کہ دھماکہ کیسے شروع ہوا۔ تاہم خدشہ ظاہر کیا جا رہا ہے کہ یہ کچھ آلات میں خرابی کی وجہ سے ہو سکتا ہے۔ ٹیکساس کے فائر حکام آگ لگنے کی وجہ کی تحقیقات کریں گے۔
یہ بھی پڑھیں: نوئیڈا: گئو شالہ میں ایک درجن گائیں ہلاک
یو این آئی
