سربیا کے دارالحکومت بلگراد میں فائرنگ کا واقعہ سامنے آیا ہے۔ حکام نے بتایا کہ اسکول میں فائرنگ سے آٹھ بچے اور ایک سیکیورٹی گارڈ ہلاک ہو گئے ہیں۔فائرنگ کرنے والا ایک 14 سالہ ساتویں جماعت کا طالب علم ہے۔ انہوں نے ایک بیان میں کہا کہ وسطی بلگراد میں پولیس کو بدھ کو صبح 8:40 بجے ولادیسلاو ربنیکر اسکول میں فائرنگ کے بارے میں کال موصول ہوئی۔ فائرنگ کرنے والے نوجوان نے اپنے والد کی بندوق سے دیگر طلباء اور اسکول گارڈ پر کئی گولیاں چلائیں۔ وزارت داخلہ کے ایک بیان میں کہا گیا ہے کہ فائرنگ سے آٹھ بچے اور ایک سکیورٹی گارڈ ہلاک ہوگئے ہیں۔ ساتھ ہی ایک ٹیچر سمیت چھ بچوں کو اسپتال میں داخل کرایا گیا ہے۔ جس میں سے کم از کم ایک کی حالت تشویشناک ہے اور اس کی ہسپتال میں سرجری ہو رہی ہے۔
ریاستہائے متحدہ کے برعکس سربیا اور بلقان کے وسیع علاقے میں بڑے پیمانے پر فائرنگ کے واقعات انتہائی نایاب ہیں۔ حالیہ برسوں میں اسکولوں میں ایسی کوئی اطلاع نہیں دی گئی۔ آخری مرتبہ ایسی فائرنگ میں 2013 میں وسطی سربیا کے ایک گاؤں میں ہوئی تھی جس نے 13 افراد کو ہلاک کر دیا تھا۔ تاہم ماہرین نے متعدد دفعہ خبردار کیا ہے کہ 1990 کی دہائی کی جنگوں کے بعد ملک میں ہتھیاروں بچے ہوئے ہیں۔ اور وہ یہ بھی نوٹ کرتے ہیں کہ تنازعات سے پیدا ہونے والی دہائیوں سے جاری عدم استحکام کے ساتھ ساتھ جاری معاشی مشکلات بھی اس طرح کے غصے کو جنم دے سکتی ہیں۔
