محمد جواد ظریف نے انسٹگرام پر کہا کہ ’’اچھی خبر، ڈاکٹر سیروس عسکری کو لے کرامریکہ سے جہاز پرواز کرچکا ہے، ان کی اہلیہ اور خاندان کے اراکین کو مبارک باد۔‘‘
اس سے پہلے وزارت خارجہ کے ترجمان عباس موسوی نے گزشتہ پیر کو سیروس کے جلد وطن واپس لوٹنے کی امید کا اظہار کیا تھا۔
واضح رہے کہ امریکی پابندیوں کی خلاف ورزی کرنے کے الزام میں 2017 میں مسٹر سیروس کو حراست میں لے لیا گیاتھا۔ امریکی کورٹ نے ثبوتوں کو نظرانداز کرتے ہوئے انہیں غیر مقیم لوگوں کے لئے بنی جیل بھیج دیا تھا۔ سیروس نے امریکہ پر غیر قانون طور سے حراست میں رکھنے کا الزام لگایا تھا۔
