شیخ صباح الخالد الصباح کو کویت کا دوبارہ وزیراعظم مقرر کر دیا گیا ہے اور نئی حکومت بنانے کی دعوت دی گئی ہے۔
کویت کے امیر شیخ نواف الاحمد الصباح نے شیخ صباح کو ہدایت کی ہے کہ وہ کابینہ کے نئے ارکان کے نام پیش کریں تاکہ ان کی منظوری دی جاسکے۔
خیال رہے کہ گذشتہ ہفتے کویت کے وزیراعظم صباح خالد الحمد الصباح نے اپنی حکومت کا استعفیٰ ریاست کے حکمران امیر شیخ نواف الاحمد الجبار الصباح کو پیش کیا تھا۔
وزیراعظم شیخ صباح سے سوال جواب کے لیے قرارداد پارلیمان کے تین ارکان نے پیش کی تھی اور پارلیمان کے نصف سے زیادہ ارکان نے اس کی حمایت کی تھی۔
یہ بھی پڑھیں: مسجد نبوی کے امام کا سعودی جیل میں انتقال
واضح رہے کہ کویت میں گذشتہ برس منعقدہ عام انتخابات میں 50 ارکان پر مشتمل نئی قومی اسمبلی میں حزب اختلاف کی نشستوں کی تعداد بڑھ گئی تھی جبکہ سابقہ اسمبلی کے دو تہائی ارکان اپنی نشستیں ہار گئے تھے۔
کویت کے وزیر اعظم صباح خالد الحمد الصباح سے پوچھ گچھ کی تحریک سن 2019 کے آخر سے ہی شروع ہوئی تھی اور تین اراکین پارلیمنٹ نے 5 جنوری کو قومی اسمبلی کے پہلے باقاعدہ اجلاس میں اپنا استعفیٰ پیش کیا تھا۔
خیال رہے کہ یہ ملک شدید معاشی بحران سے دوچار ہے۔
کویت خلیجی خطے میں پہلا ملک ہے جس نے سنہ 1963 میں آل مرد پارلیمنٹ کا قیام عمل میں لایا تھا۔ موجودہ پارلیمنٹ کا انتخاب دسمبر میں ہوا تھا۔ اصل طاقت حکمران الصباح خاندان اور امیر کے ہاتھ میں ہے جو حکومت کو مقرر کرتا ہے۔
