سعودی فوڈ اینڈ ڈرگ اتھارٹی (ایس ایف ڈی اے) نے عالمی وبا کورونا وائرس (کووڈ۔19) کی فائزر ویکسین کو منظوری دے دیا ہے۔
یہ منظوری امریکی فارماسیوٹیکل کمپنی فائزر اور جرمن پارٹنر بائیو ٹیک نے 24 نومبر 2020 کو فراہم کردہ اعداد و شمار کے جائزے پر مبنی ہے۔
- ویکسین کتنی کارآمد ہے؟
اس جائزےمیں بتایا گیا ہے کہ بین الاقوامی دواسازی کے معیار کے مطابق فائزر ۔ بائیو این ٹیک ویکسین کارآمد، موثر اور قابل استعمال ہے۔
اس بات کی بھی تصدیق کی گئی ہے کہ اس میں افادیت، حفاظت، استحکام اور اچھے نتائج کے اصول شامل ہیں۔
- 'صحت ہماری اولین ترجیح'
وزارت صحت کے ترجمان ڈاکٹر محمد العبد العلی نے کہا ہے کہ 'مناسب تشخیص کئے بغیر کسی بھی ویکسین کی منظوری نہیں دی جائے گی کیوں کہ ملک کے رہائشیوں کی صحت اور حفاظت ہماری اولین ترجیح ہے'۔
بائیو این ٹیک کے سی ای او یوگور ساہین نے حکومت کی منظوری پر تبصرہ کرتے ہوئے کہا کہ مقامی استعمال کے لئے اندراج سے یہ ظاہر ہوتا ہے کہ یہ خطہ وبائی مرض کا خاتمہ کرنے کے لئے عملی اقدام اٹھا رہا ہے۔
ساہین نے کہا 'شروع سے ہی ہمارا ہدف ایک ایسی ویکسین تیار کرنا ہے جو کورونا کے خلاف ہر عمر میں ایک رواداری کے ساتھ تیز رفتار اور مضبوط تحفظ پیدا کرے'۔
- وائرس کی کوئی سرحد نہیں:
'اب تک دیکھے گئے اعداد و شمار کی بنیاد پر ہمیں یقین ہے کہ ہم نے کامیابی کے ساتھ یہ حاصل کرلیا ہے۔ وائرس کی کوئی سرحد نہیں ہے، لہذا ہم جلد از جلد عالمی سطح پر زیادہ سے زیادہ لوگوں تک ویکسین لانے کے لئے کام کر رہے ہیں'۔
انہوں نے مزید کہا کہ 'دنیا بھر میں ریگولیٹری اور صحت عامہ کے حکام کے ساتھ کمپنی کے مباحثے جاری ہیں اور یہ کہ کسی بھی ایک ملک کو فراہم کردہ آرڈرز کی تعداد کا تعین مقامی حکومت کی درخواست پر کیا جاتا ہے کہ وہاں کی مقامی آبادی کتنی ہے۔
سعودی عرب برطانیہ، بحرین اور کینیڈا کے بعد ویکسین کی منظوری دینے والا چوتھا ملک بن گیا ہے۔
دریں اثنا برطانیہ میں جمعرات کو 141 نئے مقدمات درج کیے گئے۔
مزید پرھیں: امریکہ: فائزر ویکسین کے لئے ہنگامی استعمال کی منظوری
دنیا بھر میں کووڈ 19 کے نئے معاملات میں کمی دیکھنے میں آرہی ہے۔ جس سے وبائی امراض کے آغاز کے بعد سے اب تک کیسوں کی مجموعی تعداد میں بھی کمی ہورہی ہے۔
