سعودی عرب کی وزارت صحت نے برطانیہ کی آکسفورڈ آسٹرا زینیکا ویکسین اور امریکی دوا ساز کمپنی موڈرنا کے ذریعہ تیار کی گئی ویکسین کو ملک میں کورونا وائرس کے خلاف استعمال کے لیے منظوری دے دی ہے۔
سعودی وزارت صحت نے یہ اطلاع ٹویٹر پر دی۔ وزارت نے ایک بیان میں کہا کہ 'سعودی عرب نے فائزر، آسٹرا زینیکا اور موڈرنا ویکسین کے استعمال کی منظوری دے دی ہے'۔
یہ بھی پڑھیں: برطانیہ کا لبنان کی فوج کو 100 بکتربند گشتی گاڑیوں کا تحفہ
ملک میں 17 دسمبر سے کورونا وائرس کے خلاف ٹیکہ کاری مہم شروع کی گئی ہے۔
وزارت صحت کے تازہ اعداد و شمار کے مطابق، عالمی وبا کے پھیلنے کے بعد سے تین لاکھ 65 ہزار افراد متاثر ہوئے ہیں، جن میں سے 356848 صحتیاب ہوچکے ہیں اور 6329 مریض اس جان لیوا وائرس سے فوت ہوئے ہیں۔
