روس کی وزارت خارجہ نے دونوں رہنماؤں کی فون پر ہوئی بات چیت کے بعد جمعہ کے روز کہا کہ 'ورشینِن اور اُشپِج نے فلسطین - اسرائیل تنازعہ کے سلسلے میں خطے کی صورتحال پر تفصیل سے غوروخوض کیا۔ دونوں رہنماؤں نے خطے میں کشیدگی فوراً کم کرنے، اسرائیل اور فلسطینی شہریوں کی حسب ضرورت سکیورٹی یقینی بنانے کی ضرورت پر زور دیا۔
انہوں نے اس کے علاوہ اقوام متحدہ سکیورٹی کونسل اور اقوام متحدہ جنرل اسمبلی میں زیر غور فلسطین -اسرائیل معاہدے پر بات چیت کی۔
دوسری جانب اسرائیلی فضائیہ نے حماس کے محکمہ داخلی سلامتی کے ہیڈ کوارٹر کی عمارت اور اسلحہ فیکٹری پر حملہ کیا۔ اسرائیلی فوج کی پریس سروس نے ایک بیان میں یہ اطلاع دی۔
بیان کے مطابق اسرائیلی فضائیہ کے جنگی طیاروں نے حماس کے محکمہ اندرونی سکیورٹی کے ہیڈ کوارٹر کی عمارت اور اسلحے گودام پر حملہ کیا۔ عمارت میں رفح شہر اور دیگر کی داخلی سلامتی سروس کے سربراہ کا دفتر اور دیگر محکموں کے دفاتر قائم ہیں۔
