اسرائیل میں عالمی وبا کورونا وائرس کے 1720 نئے کیسز کی تصدیق کے بعد ملک میں کورونا متاثرین کی مجموعی تعداد84،722 ہوگئی۔
یہ اطلاع منگل کے روز اسرائیلی وزارت صحت نے دی۔ وزارت کے مطابق ملک میں اس وبا کے 1720 نئے کیسز رپورٹ ہوئے ہیں اور اس کے ساتھ ہی اس جان لیوا وبا سے متاثرین کی تعداد بڑھ کر 84،722 ہوگئی ہے۔
اسی عرصے کے دوران مہلک وبا سے 13 کورونا مریضوں کی موت کے بعد ہلاک شدگان کی مجموعی تعداد بڑھ کر 613 ہوگئی ہے۔
وزارت صحت نے بتایا کہ ملک میں 1465 مزید افراد اس وبا سے شفایاب ہوئے ہیں اور اس کے ساتھ ہی اس جان لیوا وائرس سے نجات پانے والوں کی تعداد بڑھ کر 58،998 ہوگئی ہے۔ اس وقت ملک میں کورونا کے 25،108 فعال کیسز ہیں۔
