ترک کی کے خبر رساں ایجنسی کے مطابق استنبول میں ایک تقریب کے دوران رجب طیب اردوان نے ان باتوں کا اظہار کیا۔
رجب طیب اردوان نے کہا کہ سعودی عرب کے ولی عہد محمد بن سلمان کو پہلے سے ہی قتل کا علم تھا۔
واضح رہے کہ گزشتہ روز جمال خاشقجی کے مبینہ قتل پر اقوام متحدہ کی حقوق انسانی کونسل نے ایک رپورٹ جاری کی اور اس کے لیے سعودی عرب کو ذمہ دار قرار دیا ہے۔
رپورٹ جاری کرتے ہوئے کونسل کے رکن ایگنیس کلا مارڈ نے کہا ہے کہ 'خاشقجی کی موت غیر معمولی ہے، جس کے لیے سعودی عرب کی حکومت ذمہ دار ہے'۔
اقوام متحدہ کی تحقیقاتی رپورٹ میں یہ کہا گیا ہے کہ 'خاشقجی کے قتل کے ذمہ دار سعودی عرب کے ولی عہد محمد بن سلمان اور دیگر اعلیٰ اہلکار ہیں'۔
رپورٹ میں کہا کہ اس قتل کے پیچھے سعودی ولی عہد کا ہاتھ ہو سکتا ہے، لیکن اس کے لیے مزید تحقیقات کی ضرورت ہے۔
جمال خاشقجی کا قتل گذشتہ برس استنبول میں سعودی عرب کے قونصلیٹ میں ہوا تھا۔
