غیرملکی سیاحوں پر کرفیو کا کوئی اثر نہیں پڑے گا: ترکی

'اگر آپ کی پرواز کرفیو کے وقت ہے، تو آپ کے پاس صرف ٹکٹ ہونا چاہیے۔ کوئی مسئلہ نہیں ہوگا'۔

ترکی نے کہا ہے کہ عالمی وبا کورونا وائرس (کووڈ-19) کے بڑھتے معاملے کے پیش نظر نافذ کرفیو غیرملکی سیاحوں پر مؤثر نہیں ہوگا۔

ترکی کے وزیر ثقافت نے جمعہ کو کہا 'عالمی وبا کے تعلق سے ترکی میں لگائی گئی پابندیوں پر غیر ملکی سیاحوں کو فکر کرنے کی ضروت نہیں ہے'۔

انہوں نے کہا کہ افسران نے صورت حال پر قابو پانا شروع کردیا ہے، اس لیے آگے پابندیوں کو سخت کرنے کا امکان نہیں ہے۔ ترکی طیاروں کے آپریشن کو معطل کرنے کا منصوبہ نہیں بنا رہا ہے اور سیاحوں کو کرفیو کے باوجود ہوائی اڈے پر آنے میں کوئی پریشانی نہیں ہوگی۔

انہوں نے کہا 'اگر آپ کی پرواز کرفیو کے وقت ہے، تو آپ کے پاس صرف ٹکٹ ہونا چاہیے۔ کوئی مسئلہ نہیں ہوگا'۔