کورونا وائرس: رمضان المبارک میں بچوں کے حرم مدنی میں داخلہ پر پابندی

مملکت سعودی عرب میں مہلک ترین عالمی وبا کورونا وائرس کے پھیلاؤ کے پیش نظر رمضان المبارک میں بچوں کے مسجد نبوی میں داخلہ پر پابندی عائد کر دی گئی ہے۔

مدینہ منورہ سے موصولہ اطلاعات کے مطابق مسجد انتظامیہ نے کہا ہے کہ 15 سال سے کم عمر بچوں کو رمضان المبارک میں مسجد نبوی میں داخلے کی اجازت نہیں ہوگی۔

انتظامیہ کے مطابق تراویح کی نماز کا وقت بھی معمول سے نصف کر دیا گیا۔ جنرل پریزیڈنسی کے مطابق نماز کے 30 منٹ بعد مسجد نبوی کے دروازے بند کر دئے جائیں گے۔

دریں اثنا سعودی عرب کے دارالحکومت ریاض سے ملنے والی اطلاعات کے مطابق اس سال بھی اعتکاف معطل کرنے کا فیصلہ کیا گیا ہے۔

یو این آئی