اسرائیل میں کورونا کے 621 نئے معاملے، 317 اموات

اسرائیل میں کووڈ-19 سے اب تک 23 ہزار 421 سے زائد افراد متاثر ہو چکے ہیں جبکہ 17 ہزار افراد اس وبا سے صحتیاب ہو ئے ہیں۔

اسرائیل میں دو اپریل کے بعد سے کورونا وائرس کے معاملوں میں اب تک کا سب سے زیادہ اضافہ درج کیا گیا ہے، جس میں ایک دن میں 621 نئے معاملے سامنے آئے ہیں اور متاثرین کی کل تعداد بڑھ کر 23421 ہوگئی ہے

اسرائیل کی وزارت صحت نے یہ اطلاع دی۔ اسرائیل میں کورونا کے سب سے کم عمر (19 سالہ) مریض کی موت سمیت کل 317 افراد اس وائرس کے سبب فوت ہوچکے ہیں۔ یہاں سنگین مریضوں کی تعداد 46 سے گھٹ کر 41 ہوگئی ہے۔

کورونا سے 130 نئے مریضوں کے صحت مند ہونے کے ساتھ ہی اب تک کل 17 ہزار 2 مریض صحت یاب ہوچکے ہیں۔ اس وقت یہاں انفیکشن کے 3102 فعال معاملے ہیں جو کہ تین مئی کے بعد سب سے زیادہ ہیں۔

دنیا بھر میں کووڈ-19 سے اب تک 99 لاکھ 39 ہزار 813 افراد متاثر ہو چکے ہیں جبکہ 4 لاکھ 97 ہزار 442 افراد اس مہلک وبا سے ہلاک ہو چکے ہیں۔

اس کے علاوہ 50 لاکھ 9 ہزار 411 افراد اس مہلک وبا سے صحتیاب ہوئے ہیں۔