خواتین و اطفال میں کورونا وائرس کا بالواسطہ خطرہ

عالمی ادارہ صحت نے کہا ہے کہ 'کووڈ 19 کے بالواسطہ شکار خواتین و اطفال کے ساتھ ساتھ نوجوان بھی ہوسکتے ہیں۔

جمعہ کے روز جنیوا سے ایک ورچوئل پریس کانفرنس سے خطاب کرتے ہوئے ڈبلیو ایچ او کے ڈائریکٹر جنرل ٹیڈروس نے کہا کہ 'کووڈ 19 کے بالواسطہ اثرات سے ہونے والی اموات کی تعداد زیادہ ہوسکتی ہے۔'

انہوں نے کہا کہ 'اس وجہ سے خواتین میں دورانِ حمل اور زچگی کے دوران مرنے کا خطرہ زیادہ ہو گیا ہے۔'

ڈبلیو ایچ او کے سربراہ نے مزید کہا کہ 'ڈبلیو ایچ او نے صحت کی سہولیات اور معاشرتی سرگرمیوں کے لئے رہنمائی تیار کی ہے جو خواتین ، نوزائیدہ بچوں اور نوعمروں سے متعلق ہیں۔'

انہوں نے یہ بھی کہا کہ 'جو خواتین دودھ پلاتی ہیں، ان میں کووڈ 19 سے لڑنے کی طاقت زیادہ ہوتی ہے۔'

انہوں نے کہا کہ 'کووڈ 19 کے مشتبہ یا مثبت معاملات والی ماؤں کو دودھ پلانا شروع کرنے اور جاری رکھنے کے لئے حوصلہ افزائی کی جانی چاہئے اور جب تک کہ ماں زیادہ بیمار نہ ہو تب تک ان کو اپنے بچوں سے الگ نہ کیا جائے۔'

ٹیڈروس کا کہنا ہے کہ 'نو عمر اور خاص طور سے 20 برس سے کم عمر کے افراد وائرس خطرناک طور پر اثرانداز ہو سکتے ہیں۔'