روسی صدر ولادمیر پوتن نے کہا ہے کہ 20 سال افغانستان پر جنگ امریکہ نے مسلط کی اور مہاجرین ہم رکھیں ایسا نہیں ہوسکتا، افغان جنگ سراسر نقصانات کا باعث بنی۔ بین الاقوامی میڈیا کے مطابق روسی صدر ولادی میر پوتن نے افغان مہاجرین کو روس میں آباد کرنے کی مغربی ممالک کی خواہش کو مسترد کرتے ہوئے کہا ہے کہ سوویت یونین کی 10 سال کی جنگ کے خاتمے کے بعد سے افغانستان کے معاملات میں دخل اندازی بند کردی ہے۔
انہوں نے کہا کہ 20 سالہ افغان جنگ امریکا اور افغان عوام کے لیے سراسر سانحات اور نقصانات کا باعث بنی ہے۔
انہوں نے کہا کہ امریکہ نے افغان جنگ میں صفر کامیابی حاصل کی ہے، 20 سالہ مہم جوئی سانحات پر ختم ہوئی اور افغانوں کی روایات کو توڑنے کی ہر امریکی کوشش ناکام ہوئی۔
روسی صدرنے مزید کہا کہ باہر سے کوئی بھی چیز مسلط کرنے کے نتائج اچھے ثابت نہیں ہوتے اور تاریخ بتاتی ہے کہ بالخصوص افغانستان میں تو یہ نتائج صفر نکلتے ہیں۔ اس کا واحد نتیجہ سراسر سانحات اور نقصانات ہے۔
یہ بھی پڑھیں: کابل میں صدارتی محل کے باہر خواتین کا احتجاج
پوتن نے کہا کہ 20 سال افغانستان پر جنگ امریکا نے مسلط کی اور مہاجرین ہم رکھیں ایسا نہیں ہوسکتا۔
یو این آئی
