کیف انڈی پینڈینٹ کی ایک رپورٹ کے مطابق، صدر ولودیمیر زیلنسکی نے ایک ویڈیو خطاب میں کہا کہ انہوں نے ایک نئے خصوصی عمل کے تحت یوکرین کو فوری طور پر یورپی یونین میں شامل کرنے کے لیے کہا ہے۔Ukraine Demands EU Membership
وہیں یوکرین کی پارلیمنٹ نے اعلان کیا ہے کہ یوکرین کے صدر ولودیمیر زیلنسکی نے یوکرین کی یورپی یونین میں رکنیت کی درخواست پر دستخط کر دیے ہیں۔
اس سے قبل زیلینسکی نے ایک ویڈیو پیغام میں کہا، ’’ہم یورپی یونین پر زور دیتے ہیں کہ وہ خصوصی طریقہ کار کے تحت یوکرین کو فوری طور پر رکنیت فراہم کرے۔‘‘
انہوں نے کہا، 'ہمارا مقصد تمام یورپیوں کے ساتھ رہنا ہے اور سب سے اہم بات برابری کی بنیاد پر رہنا ہے۔ میرا خیال ہے کہ یہ مناسب ہے۔ مجھے یقین ہے کہ یہ ممکن بھی ہے۔
یوکرین کے وزیر اعظم ڈینس شمیال نے ٹویٹ کیا ’’یوکرین کے لوگ طویل عرصے سے ثابت کر رہے ہیں کہ وہ یورپی برادری کا اٹوٹ حصہ ہیں۔ اسے کاغذ پر اتارنے کا وقت آگیا ہے۔
انھوں مزید لکھا کہ یوکرین ایک خصوصی عمل کے ذریعے یورپی یونین کی رکنیت کے لیے درخواست دے رہا ہے۔ ہم اپنے ساتھیوں کے تعاون اور فوری فیصلہ لینے کے لیے ان کے شکر گزار ہیں۔Russia Attacks Ukraine
یوکرین کے صدر نے کہا کہ ماسکو حملے کے پہلے چار دنوں میں 16 بچے ہلاک اور 45 دیگر زخمی ہوئے۔ اقوام متحدہ کے انسانی حقوق کی سربراہ مشیل بیچلیٹ نے کہا کہ اب تک سات بچوں سمیت کم از کم 102 افراد ہلاک ہو چکے ہیں، انہوں نے خبردار کیا کہ اصل تعداد اس سے کہیں زیادہ ہو سکتی ہے۔
زیلنسکی نے کہا، 'یوکرین نے دنیا کو دکھایا ہے کہ ہم کیا ہیں اور روس نے دکھایا ہے کہ وہ کیا بن گیا ہے؟'
انہوں نے دعویٰ کیا کہ حملے کے دوران 4500 سے زائد روسی فوجی اپنی جانیں گنوا چکے ہیں۔ روس نے بھی ہلاکتوں کی بات تسلیم کر لی ہے لیکن اعداد و شمار نہیں بتائے گئے۔
یوکرین کے رہنما نے یہ بھی کہا کہ حکام جنگی تجربہ رکھنے والے قیدیوں کو رہا کریں گے تاکہ وہ ملک کے دفاع میں مدد کر سکیں۔ انہوں نے کہا کہ ہم نے ایسا فیصلہ کیا ہے جو اخلاقی نقطہ نظر سے آسان نہیں لیکن اپنے دفاع کے حوالے سے مفید ہے۔
