ماسکو: رہائشی عمارت میں دھماکے سے دو افراد ہلاک

دھماکے کی وجہ سے عمارت کی دوسری اور تیسری منزل منہدم ہوگئی۔

روس کے دارالحکومت ماسکو کے قریب نوگنسک شہر میں نو منزلہ رہائشی عمارت میں گیس دھماکے میں دو افراد ہلاک اور پانچ زخمی ہوگئے۔

روسی تحقیقاتی کمیٹی کے علاقائی محکمہ کے نائب سربراہ نے بدھ کو یہ اطلاع دی۔

انہوں نے بتایا کہ دھماکے کی وجہ سے عمارت کی دوسری اور تیسری منزل منہدم ہوگئی۔

ابتدائی اطلاع کے مطابق اس واقعہ میں ایک خاتون اور ایک مرد ہلاک جبکہ پانچ دیگر زخمی ہوئے ہیں۔ اب تک 170 سے زائد رہائشیوں کو یہاں سے نکالا جاچکا ہے۔

(یو این آئی)