ورلڈ ہیلتھ آرگنائزیشن (ڈبلیو ایچ او) نے بھارت میں کورونا کے بڑھتے معاملات اور اموات پر اپنی تشویش کا اظہار کیا ہے۔
ڈبلیو ایچ او کے سربراہ ٹریڈوس ایڈنم گھیبریسیس نے کہا کہ بھارت میں جو ہورہا ہے وہ ہمیں دکھاتا ہے کہ وائرس کیا کر سکتا ہے۔
ڈبلیو ایچ او کے سربراہ نے کہا کہ "ہم بھارت میں کووڈ 19 کے بڑھتے ہوئے معاملات اور اموات پر فکر مند ہیں۔ صورتحال پیچیدہ ہے اور ملک کے مختلف حصوں میں مختلف ردعمل کی ضرورت ہے۔''
معاشرتی فاصلے کو برقرار رکھنے اور ویکسین کے پروڈکشن کو بڑھانے کے لئے حکومت کی جانب سے جو اقدامات اٹھائے گئے ہیں، میں اس کا خیرمقدم کرتا ہوں۔
انہوں نے مزید کہا کہ میں بھارت کے تمام لوگوں سے گہرے رنج و غم کا اظہار کرتا ہوں جنہوں نے اپنے پیاروں کو کھو دیا ہے۔
ڈبلیو ایچ او بھارت کی حکومت اور عوام کے ساتھ کھڑا ہے اور جان بچانے کے لئے ہر ممکن کوشش کرے گا۔
