برطانیہ میں پولیس کے اختیارات میں اضافے کے حکومتی منصوبوں کے خلاف منعقدہ ایک ریلی میں پولیس اہلکاروں پر حملے کے بعد سات افراد کو تشدد پھیلانے اور اسلحہ ضبط کرنے کے الزام میں گرفتار کیا گیا ہے۔
پیر کے روز انگلینڈ کے شہر برسٹل کی پولیس نے یہ اطلاع دی۔ انہوں نے کہا کہ وہ پولیس اہلکاروں پر حملے سے متعلق واقعے کی تحقیقات کر رہے ہیں۔
'کِل دا بل' نامی ایک ریلی کے دوران پولیس اسٹیشن پر حملہ کیا گیا اور پولیس کی متعدد گاڑیوں کو نذر آتش کردیا گیا۔
مقامی 'ایون اینڈ سمرسیٹ' پولیس نے بتایا کہ مجموعی طور پر 20 افسران پر حملہ ہوا یا زخمی ہوئے ہیں، جن میں سے دو زخمی پولیس اہلکار کو اسپتال میں داخل کرایا گیا۔
چیف کانسٹیبل اینڈی مارش، ایون اینڈ سمرسیٹ پولیس اور کرائم کمشنر سیو ماؤنسٹیوس نے اس تشدد کی شدید مذمت کی ہے۔
برطانیہ کی وزیر داخلہ پریتی پٹیل نے اس واقعے کو ناقابل قبول قرار دیا ہے۔ انہوں نے کہا کہ کچھ لوگوں کے ذریعہ بد امنی پھیلانے اور غنڈہ گردی کرنے کو برداشت نہیں کیا جائے گا۔
انہوں نے کہا کہ پولیس افسران اپنی جان کو خطرے میں ڈال کر ہماری حفاظت کرتے ہیں ۔برسٹل کے میئر مارون ریس نے اس واقعے کی مذمت کرتے ہوئے اسے شہر کے لئے 'ایک شرمناک دن' قرار دیا ہے۔
