روس کے صدر ولادیمیر پوتن نے بھارت کے یومِ جمہوریہ کے موقع پر صدر رام ناتھ کووند اور وزیر اعظم نریندر مودی کو خصوصی پیغام ارسال کیا ہے۔ پیغام میں ولادیمیر پوتن نے بھارتی صدر، حکومت اور عوام کے لیے نیک خواہشات اور ترقی و خوشحالی کے لیے اپنی امیدوں کا اظہار کیا ہے۔
روس کے صدر ولادیمیر پوتن نے کہا ہے کہ 'ہم دونوں ممالک کے مابین شراکت داری پر مبنی مستحکم تعلقات کی بہت قدر کرتے ہیں'۔
یہ بھی پڑھیں: امریکہ میں نئے اسٹرین برازیل پی۔1 کے پہلے معاملے کی تصدیق
بتا دیں کہ بھارت میں آج 72 ویں یوم جمہوریہ کا جشن منایا جا رہا ہے۔ راج پتھ پر پوری دنیا کے سامنے بھارت اپنی فوجی طاقت کا مظاہرہ کر رہا ہے اور یہاں کی تہذیب و تمدن کی عکاسی جھانکیوں کے ذریعہ کرائی جا رہی ہے۔ وزیر اعظم نریندر مودی نے بھی عوام کو یوم جہوریہ کی مبارکباد پیش کی ہے۔
