روسی وزیر خارجہ سرگئی لاوروف نے روسی سرکاری ٹیلی ویژن پر یوکرین پر حملے کی وجہ بتاتے ہوئے کہا کہ ماسکو کے حملے کا مقصد Moscow on Ukraine War دیگر چیزوں کے علاوہ اس بات کو یقینی بنانا ہے کہ اس کا پڑوسی ملک ناٹو میں شامل نہ ہو۔Russia Ukraine War
لاوروف نے بتایا کہ ملک کی افواج فوجی اہداف پر حملہ کر رہی ہیں لیکن انہوں نے مزید کہا کہ "کولیٹرل ڈیمیج" کی اصطلاح عراق اور لیبیا میں واشنگٹن اور اس کے مغربی اتحادیوں کی طرف سے چلائی جانے والی فوجی مہمات کے بعد سے استعمال ہو رہی ہے۔
کولیٹرل ڈیمیج کا مطلب کسی کی بھی موت، زخمی یا دوسرے نقصان کو کہتے ہیں جو کسی کارروائی کا حادثاتی نتیجہ ہوتا ہے۔ یہ اصطلاح اصل میں فوجی کارروائیوں میں شہری ہلاکتوں اور نقصانات کے لیے تیار کی گئی تھی، اب یہ غیر فوجی سیاق و سباق میں بھی استعمال ہوتی ہے۔
انہوں نے مزید کہا کہ مغربی طاقتیں ماسکو کے خدشات سے آگاہ ہیں اور کہا کہ انہیں کسی بھی وقت اس کا ازالہ کرنا پڑے گا۔
روس کے وزیر خارجہ نے یہ بھی کہا کہ ماسکو یوکرین میں جنگ بندی کی خاطر بات چیت کے لیے تیار ہے لیکن یوکرین کے فوجی ڈھانچے کو تباہ کرنے کے لیے اپنی کوششیں جاری رکھے گا۔
یہ بھی پڑھیں:
Russia Ukraine War: خیرسن شہر پر روس کا قبضہ، روسی وزارت دفاع کا فوجیوں کی ہلاکت کا اعتراف
سرگئی لاوروف نے کہا کہ روسی وفد نے اس ہفتے کے شروع میں یوکرینی مذاکرات کاروں کو اپنے مطالبات پیش کیے اور اب جمعرات کو ہونے والی بات چیت میں کیف کے جواب کا انتظار کر رہا ہے۔
لاوروف نے کہا کہ مغرب نے یوکرین کو مسلسل اسلحہ فراہم کیا ہے اور ان کے فوجیوں کو تربیت دی ہے اور وہاں فوجی اڈے بنائے ہیں تاکہ یوکرین کو روس کے خلاف جنگی دستے میں تبدیل کیا جا سکے۔
روس کا کہنا ہے کہ یوکرین کو اس کی سلامتی کے لیے خطرہ بنا کر اسے کارروائی کرنے پر مجبور کیا گیا۔ جبکہ امریکہ اور اس کے اتحادیوں نے اصرار کیا ہے کہ ناٹو ایک دفاعی اتحاد ہے جو روس کے لیے خطرہ نہیں ہے۔
لاوروف نے اس امریکی بیان کو سختی سے مسترد کرتے ہوئے کہا کہ مغرب نے روس کی ہر چیز کو کمزور کرنے کے لیے یوکرین کا استعمال کیا ہے۔
یہ بھی پڑھیں:
Russia Ukraine War: روس یوکرین جنگ میں اب تک دو ہزار شہری ہلاک
لاوروف نے یہ بھی کہا کہ روس ان شرائط پر اصرار کرے گا کہ یوکرین دوبارہ کبھی روس کے لیے فوجی خطرہ کی نمائندگی نہیں کرے گا۔ انہوں نے کہا کہ یہ یوکرین کے باشندوں پر منحصر ہے کہ وہ کس حکومت کا انتخاب کریں۔
انہوں نے گزشتہ ہفتے شروع ہونے والی یوکرین میں روسی کارروائی کے دوران شہریوں کی ہلاکتوں پر افسوس کا اظہار کیا اور اصرار کیا کہ روسی فوج فوجی اہداف کے خلاف صرف درست ہتھیار استعمال کر رہی ہے۔
انہوں نے واضح طور پر تسلیم کیا کہ روسی حملوں میں عام شہری مارے جا سکتے ہیں کیونکہ کوئی بھی فوجی کارروائی ہلاکتوں سے بھری ہوتی ہے جس میں نہ صرف فوجی بلکہ عام شہری بھی ہلاک ہوتے ہیں۔"
روسی وزیر خارجہ کا دعویٰ ہے کہ ماسکو اپنے سلامتی کے مفادات کا خیال رکھتا ہے۔
