پہلے سے طئے شیڈولڈ کے مطابق نرسری اور پرائمری اسکول تین ہفتوں کی بندش کے بعد پورے فرانس میں دوبارہ کھل گئے ہیں۔ اس کے بعد ملک میں 3 مئی سے ہائی اسکول بھی کھل جائیں گے۔
فرانس مئی کے وسط سے ملک میں غیر ضروری دکانیں، کچھ ثقافتی مقامات اور کیفے اور ریستوراں کھولنے کا ارادہ رکھتا ہے۔
بچوں کے ایک گارجین جیروم کیف کا کہنا ہے کہ "ایمانداری کے ساتھ ہم پرائمری اسکولوں میں چھوٹے بچوں کے بارے میں اتنے پریشان نہیں ہیں، ہم دوسرے بچوں کے بارے میں زیادہ پریشان ہیں جو سیکنڈری اسکولوں میں ہیں، جہاں میں سمجھتا ہوں کہ صورتحال زیادہ سنگین ہوسکتی ہے۔"
فرانس میں نافذ تمام طرح کی بندشوں کو اس وقت ہٹایا جا رہا ہے جب اسپتال کے آئی سی یو میں وبا شروع ہونے کے وقت سے اب تک کے دوران سب سے زیادہ مریض داخل ہیں۔
یہ متعدد یورپی دارالحکومتوں میں ہسپتالوں کو ترجیح دینے سے دور ایک اور تبدیلی کا نشان ہے۔
حکومتیں پابندیوں کو کم کرنے کے متعلق دلائل کو تقویت دینے کے لئے ٹیکے استعمال کررہی ہیں، حالانکہ یورپ میں صرف ایک چوتھائی بالغ افراد کو ہی پہلی خوراک ملی ہے۔
فرانس میں کووڈ 19 وبائی امراض کے دوران دس ہزار سے زیادہ اموات کی اطلاع ملی ہے۔
