برطانوی وزیر اعظم بورس جانسن نے کہا ہے کہ وائرس کی نئی قسم سے کووڈ 19 وبائی امراض کا سبب بنتا ہے اور یہ 70 فیصد زیادہ متعدی بیماری کا سبب بن سکتا ہے۔
برطانوی میڈیا کا کہنا ہے کہ کورونا وائرس کی نئی قسم کے تیزی سے پھیلنے کا خدشہ ہے، اس حوالے سے برطانوی وزیراعظم بورس جانسن نے لاک ڈاؤن کے مساوی 'ٹئیر فور' بھی متعارف کروادیا ہے۔ بورس جانسن کا کہنا ہے کہ 'ٹئیر فور' کا اطلاق لندن سمیت ساؤتھ ایسٹ کے علاقوں میں اتوار سے ہوگا، کرسمس پر 5 روز کیلیے نرمی دی جانے والی پابندیوں میں اب صرف ایک روز ہی نرمی دی جائے گی۔
برطانوی وزیر اعظم نے کہا کہ 'ٹئیر فور' والے علاقوں میں غیر ضروری اشیا کی دکانیں، جم اور ہیر ڈریسر بند رہیں گے، 'ٹئیر فور' میں لوگ کو کام پر جانے، ورزش اور ایجوکیشن یا چائلڈ کئیر کیلیے گھر سے نکل سکیں گے، بورس جانسن نے کہا کہ 'ٹئیر فور' والے علاقے کے لوگوں کو کرسمس ببل بنانے کی بھی اجازت نہیں ہوگی۔
انہوں نے کہا کہ دیگر علاقوں میں صرف کرسمس والے دن 3 گھرانوں کے افراد مل سکیں گے، 'ٹئیر فور' ہر نظر ثانی 30 دسمبر کو ہوگی، لوگ نئے نیو ائیر پر بھی قواعد کا خیال رکھیں، بورس جانسن نے ٹئیر فور والے علاقے کے لوگوں کو گھر سے باہر رات گزارنے اور بیرون ملک جانے سے بھی گریز کا مشورہ دیا۔
یواین آئی
