آسٹریلیا کے نیو ساؤتھ ویلس علاقے کےدیہی فائر برگیڈ سروس نے ہفتے کے روز کہا کہ مشرقی آسٹریلیا کے جنگل میں آگ لگنے کے سبب دو افراد کی موت ہوگئی اور سات افراد لاپتہ ہیں کم از کم 150 گھر تباہ ہوگئے ہیں۔
اس سے ایک دن پہلے محکمہ فائر برگیڈ نے کہا تھا کہ اس حادثے میں کم از کم 30 افراد زخمی ہوئے اور تین لاپتہ ہیں اور کم از کم 100 گھر تباہ ہوئے ہیں۔
محکمہ فائر برگیڈ نے ٹویٹ میں بتایا کہ جنگل میں آگ لگنے کی وجہ سے عوام کی موت ہوگئی اور سات افراد لاپتہ ہیں اور کم از کم 150 گھر جل کر خاکستر ہوگئے ہیں۔
محکمہ نے وارننگ جاری کرتے ہوئے عوام کو صلاح دی ہے کہ وہ نیو ساؤتھ ویلس اور کیووِنس لینڈ کے علاقے چھوڑ دیں۔ مقامی میڈیا نے نیو ساؤتھ ویلس پولیس کے حوالے سے بتایاکہ گاڑی میں ملنے والی لاش کی شناخت کی کوشش جاری ہے۔
قابل ذکر ہے کہ نیو ساؤتھ اور کیونِس لینڈ علاقے میں گذشتہ ہفتے سات ہزار ہیکٹیئر جنگلی علاقے میں آگ لگ گئی تھی جس سے اس علاقے کے ہزاروں افراد متاثر ہوئے ہیں۔
