نئے سال کے موقع پر شمالی مغربی جرمنی میں کرفیلڈ چڑیا گھر میں آتشزدگی کی وجہ سے متعدد جانور ہلاک ہوئے ہیں، جن میں اورنگوتن، چمپانزی اور افریقی بندر شامل ہیں۔ کرفیلڈ چڑیا گھر کے انتظامیہ نے یہ معلومات دی۔
بندروں کے لیے مشہور کرفیلڈ چڑیا گھر کے انتظامیہ نے سرکاری فیس بک پیج پر کہا کہ 'ہمارا خوف حقیقت بن گیا ہے'۔
پولیس کا کہنا ہے کہ 'اس واقعے میں کم از کم 30 جانور ہلاک ہوگئے ہیں۔ کرفیلڈ چڑیا گھر میں آگ آدھی رات سے پہلے لگی تھی جس میں بندروں کے کمروں میں آگ لگی اور پورا باڑ جل کر خاک ہو گیا۔ یہ چڑیا گھر سنہ 1975 میں کھولا گیا تھا۔'
اگرچہ فائر بریگیڈ اہلکاروں نے نارتھ رائنے ویسٹ فالیا میں واقع چڑیا گھر کی عمارتوں میں آگ کو پھیلنے سے روک دیا۔ تاہم آتشزدگی کی وجہ کا ابھی تک پتہ نہیں چل سکا ہے۔
انتظامیہ کا کہنا ہے کہ چڑیا گھر کا عملہ بھیانک سانحہ کی وجہ سے صدمے میں ہیں اور آتشزدگی کی وجہ سے اسے بند کر دیا گیا ہے۔
