یونانی حکام نے بتایا کہ یونان کے مشرقی ایجیئن جزیرے ساموس کے ایک پناہ گزین مرکز میں شروع ہونے والی ایک چھوٹی سی آگ نے تقریبا 15 خیمے جلا دیے۔
ویڈیو
محکمہ فائر نے بتایا کہ یہ آگ پیر کی صبح کیمپ کے نزدیک پودوں میں لگنی شروع ہوئی تھی اور اس کے فورا بعد ہی اس پر قابو پا لیا گیا تھا۔
ہجرت اور سیاسی پناہ گزیں کی وزارت نے کہا کہ آگ لگنے سے قبل لوگوں کو وہاں سے خالی کرا لیا گیا تھا اور کسی کے زخمی ہونے کی اطلاع نہیں ہے۔ آگ لگنے کی وجوہات کا علم نہیں ہو سکا ہے۔
واضح رہے کہ اس سے قبل ستمبر میں یونان کے لسبوس جزیرہ پر واقع یونان کے سب سے بڑے پناہ گزین کیمپ 'موریہ کمیپ' میں آگ لگنے سے تقریبا 10 ہزار سے زائد افراد بے گھر ہو گئے تھے۔
