فرانس میں گذشتہ 24 گھنٹوں کے دوران کورونا وائرس (کووڈ 19) کے ریکارڈ 9،843 نئے کیسز سامنے آنے کے بعد متاثرین کی مجموعی تعداد بڑھ کر 3،53،944 ہوگئی ہے۔
ملک میں اس وبا کے آغاز کے بعد سے ایک دن میں یہ سب سے زیادہ تعداد ہے۔ اس سے قبل 4 ستمبر کو فرانس میں کورونا کے 8،975 نئے کیسز سامنے آئے تھے جبکہ بدھ کے روز فرانس میں کورونا کے 8،577 نئے کیسز رپورٹ ہوئے تھے۔
یہ اطلاع فرانسیسی وزارت صحت نے دی۔ اس عرصہ کے دوران، کووڈ 19 سے مزید 19 افراد کی ہلاکت سے اس جان لیوا وبا سے مرنے والوں کی تعداد 30،813 ہوگئی ہے۔
فرانس میں کورونا وائرس کے نئے کیسز اپریل کے وسط سے کم ہونا شروع ہوئے تھے لیکن گذشتہ کچھ دنوں سے ملک میں کورونا کے نئے کیسز میں مسلسل اضافہ ہورہا ہے۔
فرانس میں کووڈ ۔19 کے 5096 مریض اسپتالوں میں داخل ہیں، جن میں سے 615 افرادکی حالت تشویشناک ہیں اوریہ سبھی وینٹیلیٹر پر ہیں۔
یہ بھی پڑھیں: ارجنٹائنا میں کورونا کے نئے کیسز
فرانسیسی صدر امانوئل میکرون نے کہا ہے کہ 'وہ ملک میں کورونا وائرس (کووڈ-19) کی وبا پر قابو پانے کے لئے جمعہ کے روز دفاعی کونسل کے اجلاس میں نئے ضابطوں کا اعلان کریں گے۔'
