چینی مدد آسٹریلیا پہنچی

چین کے گوئیژوو صوبہ کی کنگلانگ کاؤنٹی کی طرف سے کورونا وائرس سے لڑائی میں مدد کےلیے بھیجے گئے ضروری سازوسامان کی کھیپ آسٹریلیائی شہر ٹیمورتھ پہنچ گئی ہے۔

خارجہ امور کے صوبائی دفتر نے بتایا کہ ٹیمورتھ شہر میں وبا کی روک تھام کے لیے 60 ہزار سرجیکل ماسک اور 50 ہزار جوڑی دستانے بھیجے گئے ہیں۔

ٹیمورتھ کے میئر کرنل مورے نے کہا کہ ’یہ مدد دونوں شہروں کے درمیان دوستانہ رشتوں میں سنگ میل ثابت ہوگی اور وبا سے لڑائی کے دوران یہ مدد خیر مقدم کے قابل ہے'۔

کنگلانگ اور ٹیمورتھ شہروں کے مابین تعلقات کا آغاز سنہ 2016 میں ہوا تھا۔