برطانیہ کی ملکہ الزبتھ دوم نے لندن کے قریب واقع شاہی رہائشگاہ ونڈسر محل میں جوبائیڈن اور خاتون اول جل بائیڈن کی میزبانی کی۔ جو بائیڈن جنوب مغربی انگلینڈ کے کارن وال میں دنیا کی مضبوط جمہوری جماعتوں کے رہنماؤں کے تین روزہ سربراہی اجلاس میں شرکت کرنے کے بعد لندن روانہ ہوئے۔ وہ صدارتی ہیلی کاپٹر کے ذریعہ شاہی محل پہنچے اور انہیں بلیک رینج روور میں بیٹھاکر ملکہ الزبتھ دوم کے پاس لے جایا گیا۔
صدر جو بائیڈن اپنے برطانیہ کے دورے میں ملکہ برطانیہ الزبتھ دوم سے سہ پہر کی چائے پر ونڈسر محل میں ملاقات کی۔ وہ 13ویں امریکی صدر ہیں جنہوں نے ملکہ الزبتھ دوم سے ملاقات کی۔
ملاقات سے قبل صدر بائیڈن کی ملکہ برطانیہ سے جمعے کے روز ایک استقبالیے پر بھی ملاقات ہوئی جس میں پرنس چارلز اور ان کی اہلیہ کمیلا، پرنس ولیم اور ان کی اہلیہ کیٹ بھی موجود تھیں۔
اس قبل امریکہ کے سابق ڈونلڈ ٹرمپ نے جولائی 2018 میں برطانیہ کے دورے کے دوران ونڈسر محل میں ملکہ الزبتھ دوم سے ملاقات کی تھی حالانکہ ٹرمپ کو اس ملاقات کے بعد کافی تنقید کا سامنا بھی کرنا پڑا تھا۔
