آذربائیجان: باردہ پر حملے میں 1 ہلاک، 3 زخمی

آرمینیا اور آذربائیجان کے مابین جنگ کا سلسلہ بدستور جاری ہے۔ دونوں ممالک ایک دوسرے کے خلاف جنگ کے ساتھ الزام تراشی بھی کر رہے ہیں۔ متعدد ممالک نے جنگ بندی کی اپیل کی ہے، لیکن اس کا کوئی اثر اب تک نظر نہیں آ رہا ہے۔

گذشتہ کئی دنوں سے آرمینیا اور آذربائیجان کے درمیان جنگ کے ساتھ ایک دوسرے پر الزام تراشی کا دور بھی جاری ہے۔

آرمینیا نے پیر کے روز آذربائیجان میں واقع ناگورنو قرہباخ کے دارالحکوت میں میزائل فائر کرنے کا الزام عائد کیا، جبکہ آذربائیجان کا کہنا ہے کہ آرمینیا کی جانب سے اس کے متعدد قصبوں اور دوسرے بڑے شہر پر حملہ کیا گیا ہے۔

آذربائیجان کے حکام نے بتایا کہ آذربائیجان میں واقع باردہ کے علاقائی مرکز پر حملے کے نتیجے میں ایک شخص ہلاک اور تین زخمی ہوگئے۔

ویڈیو میں دکھایا گیا ہے کہ آگ بجھانے والا عملہ تباہ شدہ مکان کے ملبے میں لگی آگ کو بجھانے کی کوشش کر رہا ہے۔

واضح رہے کہ ناگورنو قرہباخ کا علاقہ آذربائیجان کے اندر ہے، لیکن سنہ 1994 سے آرمینیا کی حمایت یافتہ نسلی آرمینیائی فوج کے کنٹرول میں ہے۔